Аналитика
По минатонеделното поевтинување од пет денари, цените на бензините повторно тргнуваат нагоре. Од полноќ, бензините ќе бидат поскапи за два денари по литар, додека дизелот поскапува за еден денар и повторно ја достигнува границата од 100 денари. Новата одлука на Регулаторната комисија за енергетика (РКЕ) предвидува просечно зголемување на малопродажните цени на нафтените деривати од 1,55 проценти.
Од утре, 3 ноември, максималната малопродажна цена на ЕУРОСУПЕР БС-95 ќе изнесува 93 денари за литар, наместо досегашните 91 денар. ЕУРОСУПЕР БС-98 ќе се продава по највисока цена од 95 денари, додека ЕУРОДИЗЕЛ ќе чини 100 денари за литар, наспроти досегашните 99 денари.
Со оваа корекција делумно се поништува минатонеделното поевтинување на бензините, кога нивните цени беа намалени за по пет денари. Дизелот, пак, ја задржа цената од 99 денари во претходната пресметка, а сега бележи ново зголемување.
