Аналитика
Може ли УЈП да ги открива сомнителните донации без да чека со години некој инспектор да ги отвори документите? Електронската фактура отвора можност податоците да бидат достапни во реално време, а донациите и спонзорствата да се издвојуваат за проверка.
Даночната експертка Елена Стојмановска Тортевска во поткастот „Каде се парите? со Горан Теменугов“ објаснува дека со поврзување на фактурите и извештаите од примателите, УЈП ќе има подобра основа да процени каде постои ризик и каде треба да испрати контрола. Затоа што не е исто да проверуваш дониран кров, кој останува на објектот, и садници, кои по неколку години можат да се исушат. Дали дигитализацијата ќе овозможи проверките да се прават навреме, додека сè уште може да се утврди што навистина е донирано?
Целиот разговор гледајте го на „Каде се парите? со Горан Теменугов“.
Претплатете се на нашиот ЈуТјуб канал: https://youtube.com/playlist?list=PLqqetpN_zeRo0JZtlyIE9xGbXe6y1ZLc6&si=mFfhTzz5ZeuTfFuS
„Значи ги имате електронската фактура во реално време. Не чекаме дали некогаш некој ќе отиде во надворешна контрола и ќе ја види таа фактура….
…Имате електронската фактура, го имате извештајот, вие имате двајца чинители, можете веќе историјата даночна да ја знаете и на едниот и на другиот…
… Можете навистина да го дадете фокусот колку и како да се провери фактичката состојба….
