Општата болница во Велес доби преносен ехо апарат од КБ Инвест

ЈЗУ Општа болница во Велес доби преносен ехо апарат, подарок од КБ Инвест. Ехо апаратот ќе го користат лекарите за апликација на периферни блокови при ортопедски операции и нивно попрецизно изведување, намалување на болката и побрзо оздравување на пациентите, што е и крајната цел на професионалците од велешката болница.

КБ Инвест, во рамките на својата општествена одговорност и припадност спрема заедницата, секоја година обезбедува подароци, таму кај што се најпотребни. Ехо апаратот е последен во низата, а од КБ Инвест искажуваат искрена благодарност за топлиот прием во Општа болница Велес и се радуваат на насмевките на оздравените пациенти.

Друштвото за управување со отворени и затворени инвестициски фондови постои од 2009 година, а делува во насока на остварување долгорочна одржлива профитабилност на инвеститорите во фондовите и акционерите на Друштвото, преку обезбедување современа и високо професионална услуга во процесот на управување со средствата на клиентите.