Аналитика
Првиот човек на Сојузот на стопански комори Трајан Ангелоски во поткастот „Каде се парите? со Горан Теменугов“ изјави дека откако сме самостојна држава, сведоци сме како политичките елити многу често носат економски мерки кои директно одат на штета на граѓаните и на фирмите. Тој смета дека сите многу често се однесуваме неодговорно кон државава, што резултира да немаме адекватна инфраструктура и скапа храна, иако Македонија е мала земја, но која може да произведе сериозни количини на земјоделски производи.
„Имате искуство во бизнисот, раководите со Сојузот на стопански комори, зошто сами против себе. Мазохисти ли сме?
- Добро прашање. Можеби ќе биде екстремно што ќе го кажам ова но имам впечаток многу често дека ние не си ја цениме доволно нашата земја и како да ни е дадена поклон од некој и како да сакаме сами да си ја уништиме. Тој е мојот одговор на вашето прашање. Работиме ние на повеќе пазари. Не можам да се изначудам како луѓето во оваа земја во одредени екстремни случаи толку деструктивно се однесуваат… Нереални се работите.“
Премиерата е во четврток, во 12.00 часот на пладне, а потоа кога сакате може да не гледате на нашиот Јутјуб канал кој ќе го најдете ако во пребарување на кирилица напишете пари. Ќе ви се појавиме и тие сме.
Секако, секоја содржина што ја подготвуваме за вас е бесплатна, но затоа многу ни значи ако притиснете „сабскрајб“ и почнете да не следите. Секое добро, и се гледаме премиерно секој четврток или кога и вие да посакате потоа.
