Аналитика
Во нетрговските трансфери на акции кои котираат на Македонска берза минатата недела се забележани 40.728 обични акции издадени од 27 компании. Ударен ден за оваа активност бил петокот со 37.721 обични акции, а најслаб ден била средата со 310 акции.
Согласно податоците добиени од Централниот депозитар за хартии од вредност најбројни се акциите на Македонски телеком, подарени се, наследени или пренесени за друга намена 22.010 обични акции и тоа во два наврати. Првиот ден, во вторникот се пренесени 290 обични акции и вториот пат, во петокот, трансферирани се 21.720 обични акции.
Гледано според бројноста веднаш следат „АрцелорМиттал“ со 5.031, „РЖ Услуги“ со 4.053 и „Макстил“ со 3.826 обични акции.
Меѓу хартиите од вредност кои минале низ процесот на нетрговскиот трансфер се „Адинг“ АД Скопје – 1.071, на „Либерти“ – 1.969, како и на „Алкалоид“ вкупно 448 обични акции и тоа пренесени во три наврати.
Сопственоста на акциите е трансферирана и кај 176 обични акциина НЛБ банка и кај 47 обични акции на Комерцијална банка, како и 3 обични акции кај Стопанска банка АД Битола.
