Дали штедењето и потрошувачката се два дела од една целина?

Датум на објава: 05.08.2020

Време зa читање: 2 минути

Кога ќе се оданочат стекнатите доходи на домаќинствата, средствата кои им остануваат претставуваат расположлив доход. Овој расположлив доход тие можат да го користат за потрошувачка и за штедење.

Што е потрошувачка?

Потрошувачката е дел од расположливиот доход наменет за купување на различни видови добра и услуги потребни за задоволување на потребите на домаќинствата.

Нискиот износ на расположлив доход значи поголемо процентуално учество на потрошувачката, со оглед на тоа дека домаќинствата треба да ги задоволат своите основни потреби. Во одредени ситуации се појавува и т.н. негативно штедење при што расположливиот доход е понизок од потрошувачката. Во ваков случај не само што домаќинствата не можат да штедат туку и дополнително се задолжуваат за да ги задоволат своите основни потреби.

Прочитајте и ...  Капитал банка вработува референт на благајна

Што е штедење?

Штедењето е износот од расположливиот доход кој на домаќинствата им останал непотрошен. Штедењето претставува одложена потрошувачка. Одложената потрошувачка значи дека делот од расположливиот доход кој не се потрошил сега, ќе се потроши во иднина.

Со порастот на расположливиот доход на домаќинствата се зголемува можноста тие повеќе да трошат и повеќе да штедат, и обратно.

Оттука, штедењето и потрошувачката се два дела од една целина наречена расположлив доход и тој претставува основна детерминанта која ја одредува нивната големина.


Тагови: домаќинства, доход, лични финансии, потреби, потрошувачка, трошоци, штедење,

Facebook профил: pari.com.mk

Инстаграм профил: pari.com.mk

@pari.com.mk

© Преземањето авторски содржини е забрането со закон. Преземањето на текстови и изјави во авторска сопственост на порталот pari.com.mk е дозволено делумно, со задолжителен хиперлинк до содржината која се пренесува. Секое преземање фотографија означена со лого, без претходна согласност со pari.com.mk, е строго забрането.


Сподели: