Аналитика
Можеме да забележиме одредено заостанување во делови на Југоисточна или Источна Европа во однос на целокупниот европски тренд, според најновите економски изгледи на 2021 Рисрч.
„Нашето сценарио подразбира слаб економски почеток во 2021 година, но со напредокот на вакцинацијата и отстранувањето на ограничувачките мерки во вториот квартал, побарувачката ќе ја поддржи потрошувачката, особено во втората половина на годината. Темпото на опоравување или реанимација ќе варира од земја до земја, со оглед на можните избувнувања на Ковид-19, темпото на вакцинација и разликите во државните мерки за поддршка.
Германија, исто така, игра клучна улога во развојот на Централна Европа. Можеме да забележиме одредено заостанување во делови на Југоисточна или Источна Европа во однос на целокупниот европски тренд. Дополнителен позитивен фактор може да биде почетокот на исплатата од Фондот за обновување на ЕУ подоцна во 2021 година. Ние проектираме стапки на раст на БДП за ЦИЕ во опсег од 2,5% до 5% во 2021 година, во споредба со 4,3% предвидени за еврозоната“, се вели во прогнозата на Рајфајзен банка.
„За попредизвикувачките месеци што следат, исто така треба да биде добро за регионот што во повеќето земји нивото на потрошувачка и услуги (во однос на БДП) е пониско отколку во западноевропските земји (со можен исклучок на Хрватска и Бугарија). Покрај тоа, тесните врски на многу земји од СЕ/ЈИЕ со германскиот индустриски кластер во моментов се друга предност.
„Германската економија во моментов има силна корист од брзото закрепнување на глобалната трговија (многу побрзо отколку по глобалната финансиска криза), што се заснова на (многу) подобрите економски перформанси на Кина и САД во споредба со Европа.
