ПС: Сите пензионери да бидат опфатени со сет антикризни мерки за помош.

Големо е незадоволство кај Пензионерскиот синдикат на Македонија.

Причината за тоа е петтиот пакет антикризни мерки на владата за финансиска помош, со кој тие сметаат дека треба сите пензионери да бидат опфатени со сет антикризни мерки за помош. Синдикатот бара да се врати и стариот начин на усогласување на пензиите согласно трошоците на живот и покачувањето на просечната нето плата исплатена во последните шест месеци.

„Сметаме дека со овој сет на антикризни мерки требаше да бидат опфатени сите пензионери, имајќи предвид дека дел од пензионерите добија помош со претходната мерка. Очигледно е дека како старосна група, пензионерите и постарите лица на граѓани не се сметаат за група на која ѝ е потребна помош, а во суштина се група на граѓани кои се последни на списокот за да се подобри нивниот економско-социјален стаус во државата“, се вели во денешната реакција од синдикатот, кој делува во рамки на Конфедерацијата на слободни синдикати.

Пензионерскиот синдикат бара да се врати и стариот начин на усогласување на пензиите согласно трошоците на живот и покачувањето на просечната нето плата исплатена во последните шест месеци.

„Соодносот во 2018 година на просечната плата со просечната пензија изнесувал 60 проценти, додека ако се види тој сооднос денес, тој изнесува 56 проценти, (односно просечна пензија во износ од 15.449 денари) од што може да се заклучи дека пензиите стагнираат и покрај тоа што реалност е и инфлацијата и покачувањето на платите“, посочува синдикатот.

Оттаму реагираат и дека одредени институции не дозволуваат да се регистрира синдикатот иако е формиран во 2018 година.