Минатата недела во САД биле поднесени 1,48 милиони барања за надомест за невработеност, што значи дека бројот на луѓе кои остануваат без работа поради пандемијата на коронавирусот останува голем, пренесува Си-Ен-Би-Си.
Економистите што ги анкетирала компанијата Дау Џонс очекувале дека ќе бидат поднесени 1,35 милиони барања.
Иако неделниот показател се уште е висок и втора недела по ред полош од предвидувањата, вкупниот број на оние што добиваат надомест продолжува да опаѓа. Вкупниот број на приматели или оние кои добиваат постојан надомест се намалил за 767.000, на 19,52 милиони луѓе.
Како дел од Програмата за помош за невработеност при пандемија, минатата недела беа поднесени 728.120 барања.
The state police said it will be an 8 hour wait from the back of the line to speak to a state employee about unemployment. pic.twitter.com/plGONcpS6n
— Daniel Desrochers (@drdesrochers) June 17, 2020
Минатонеделниот показател значи дека бројот на пријавувања останува над еден милион веќе 14-та недела по ред, а рекорден број, од 6,9 милиони пријави, е забележан во неделата што завршува на 21 март, веднаш откако Светската здравствена организација прогласи пандемија, а поголемиот дел од американската економија престана со работа.
Пред тоа, побарувањата за надомест никогаш не надминувале еден милион.
Досега најголем број барања се поднесени во Калифорнија, 45.930, пренесува Си-Ен-Би-Си.