Макошпед АД Скопје за периодот Jануари – Март 2021 година оствари позитивен финансиски резултат од 3.083 илјади денари искажан во неревидираниот Биланс на успех.
Остварените вкупни приходи за период Јануари – Март 2021 година изнесуваат 23.067 илјади денари и во споредба со остварените вкупни приходи за истиот период 2020 година бележат намалување од 6%.
Приходите од продажба за период Јануари – Март 2021 изнесуваат 22.912 илјади денари и се на исто ниво со остварените приходи од продажба во истиот период 2020 година.
Вкупните расходи за период Јануари – Март 2021 година во износ од 19.984 илјади денари бележат намалување од 8% во однос на вкупните расходи за истиот период 2020 година.
Оперативните расходи во периодот Јануари – Март 2021 година изнесуваат 19.920 илјади денари и бележат намалување од 8% во однос на истиот период 2020 година.
Финансиските расходи изнесуваат 64 илјади денари, додека финансиските расходи за истиот период 2020 година изнесуваат 7 илјади денари.