Летово изгореа рекордни 700.000 хектари шума во ЕУ – најголема регистрирана штета од 2006

Шумските пожари изгореа рекордни 700.000 хектари во ЕУ годинава, според Европската комисија. „Ни претстои тешко лето во Европа, бидејќи досега за оваа година изгорени повеќе од 700.000 хектари, што е најголема вредност во овој период од годината од 2006 година“, рече Јанез Ленарчиќ, европски комесар за хуманитарна помош и управување со кризи.

„Досега Механизмот за цивилна заштита на ЕУ беше активиран девет пати од пет земји, со невиден степен на солидарност што го покажаа земјите-членки на ЕУ“, вели еврокомесарот. „Ние ќе продолжиме деноноќно да ја следиме ситуацијата преку нашиот координативен центар за одговор при итни случаи во Брисел и ќе ја мобилизираме потребната помош.“