Аналитика
Во екстремно сценарио каде протокот на руски гас целосно би престанал, Грција ќе воведе ротирачки прекини за енергетски интензивни индустрии и компании поврзани со среднонапонската мрежа. Ќе бидат поштедени домаќинствата, малите фирми, хотелите и производството на храна и други потреби.
Грчката влада подготвува итен план за заштеда на енергија во случај на целосен и продолжен прекин на испораките на руски гас, објави весникот Та Неа. ДЕПА Комерцијал, најголемиот увозник на гас во земјата, му плати на Гаспром за минатомесечните испораки на фосилното гориво, така што нема непосредна закана.
Според неименувани извори на весникот, планот вклучува мерки за намалување на потрошувачката на електрична енергија и патувањето без оглед на ризикот од запирање на протокот на рускиот гас. Во екстремното сценарио, особено во екот на туристичката сезона, ќе се воведат прекини на струја во работните денови.
26,27 ЦЕЛЗИУСОВИ ВО ЛЕТО ВО ЈАВНИТЕ ПРОСТОРИИ
Исто така, се планира да се воведат ограничувања за климатизација, потрошувачка на струја во јавниот сектор. Идејата е да се ограничи снабдувањето со електрична енергија за енергетски интензивните и тешките индустрии и компаниите од среднонапонската мрежа кои не се во синџирот на снабдување со основни потреби како храна. Тоа значи дека домаќинствата, малите фирми, секторот за сместување, болниците и критичната јавна инфраструктура нема да бидат засегнати.
Владата треба да препорача враќање на работа на далечина и намалување на патувањето со автомобили, се додава во написот. Врз основа на моделот применет од Италија, Грција има намера да ја ограничи употребата на климатизери, светилки и електрични апарати во јавните згради, рекоа луѓето запознаени со ова прашање. Минималната температура треба да биде од 26 до 27 степени Целзиусови во лето, додека во зима нема да се дозволи собите да бидат потопли од 19 до 20 степени, дознава весникот.
Грчкото Министерството за животна средина и енергетика и другите надлежни институции, исто така, планираат да ја забрзаат замената на светилките со енергетски ефикасни решенија.
ГРЦИЈА ЌЕ РЕНТА ТАНКЕР ЗА ТЕЧЕН ГАС
Грција одлучи да изнајми пловечки танкер за течен природен гас (LNG) на 12 месеци за да го зголеми капацитетот за складирање. Владата има за цел зголемување на производството на лигнит за 50 отсто оваа година.
Како дел од својот пакет REPowerEU за постигнување независност од руските фосилни горива што е можно поскоро, Европската комисија ги повика земјите-членки да ги ажурираат плановите за вонредни состојби, да ја намалат потрошувачката и да ги зголемат капацитетите за обратен проток на гас од запад кон исток до следната зима. Во духот на солидарноста, најмалку погодените земји би можеле да ја намалат побарувачката на гас во корист на земјите-членки кои се најпогодени од недостигот, истакна извршното тело на Европската унија.
