Аналитика
Халкбанк во 2020 година забележа одлични бизнис резултати од работењето, многу подобри од проектираните.
Изминатата 2020 година Халкбанк ја заврши со актива од над милијарда евра, односно со раст од 14 отсто во однос на крајот на претходната година, која ја заврши со вкупна актива од околу 934 милиони евра.
‘’Според проекциите за 2020 година, нашиот план беше раст на активата од 11 отсто. Притоа, со докапитализацијата што со стартот на кризата ја изврши нашиот единствен акционер, Халкбанк АШ Турција во висина од 20 милиони евра, нашите сопствени средства во првата половина од годината достигнаа 140 милиони евра,,- изјави Д-р Билал Суџубаши, Главен извршен директор во Халкбанк.
И во вака кризна година Халкбанк успеа да оствари раст и кај кредитирањето и кај депозитната база, поголем од проектираното, а разбирливо, голем пораст се забележува и во користењето на дигиталните канали.
Проекциите на Халкбанк за 2020 година предвидуваа пораст на вкупните кредити и на депозити од околу 12 отсто. Сепак, вкупните кредити достигнаа пораст од 14,10 отсто во однос на декември минатата година, односно во апсолутен износ, растот на кредитирањето е за околу 101,2 милиони евра.
Најголем раст од дури 23 отсто банката забележа во кредитирањето на населението. Од 01.01.2020 година, заклучно со 31.12.2020 година, во овој сегмент Халкбанк има одобрено 10 088 кредити во вкупен износ од над 130 милиони евра.
Во 2020 година, Халкбанк исплати над 1100 станбени кредити во вкупен износ од 48,6 милиони евра.
Забележан е раст и во делот на депозитите, така што депозитната база на крајот на декември во однос на крајот на 2019 година е зголемена за 155 милиони евра, што претставува раст од 18,63 отсто.
Од почетокот на 2020 година Халкбанк има над 20% раст и над 9 000 нови корисници на електронско банкарство.
Ваквите показатели во работењето се потврда дека Халкбанк е сериозен, стабилен и лојален партнер на граѓаните, стопанството и генерално на целото општество во нашата земја.
