Аналитика
Стопанска банка а.д. Битола почитувајќи ги сите препораки и мерки на институциите за заштита и превенција од коронавирусот и имајќи ја во предвид рестрикцијата на движење на лицата постари од 67 години, односно пензионерите на кои оваа сабота 28.03 пензиите ќе им бидат достапни за подигнување и на шалтерите во експозитурите го прилагоди своето работно време за утрешниот ден.
Со работно време од 7:30 – 12:30 часот ќе работат експозитурите во Битола – Централата и експозитурата во Стара зграда, експозитурите во Скопје – експозитурата во ГТЦ и експозитурата во КБ Аџибадем Систина и експозитурите во градовите Демир Хисар, Кавадарци, Охрид, Прилеп, Струмица, Тетово, Велес, Гевгелија.
Ве потсетуваме дека сите оние кои ја примаат пензијата во Стопанска банка а.д. Битола истата од 25.03 можат да ја подигнат и на било кој од банкоматите на Банката.
Доколку вашата посета на некоја од експозитурите е неопходна ве молиме да се придржувате до сите насоки кои ќе ви бидат дадени, да ги почитувате мерките за ваша лична заштита и да одржувате соодветно меѓусебно растојание со сите лица во експозитурата.
