Аналитика
Енди Бурнам изјави дека сака да ги „разгледа опциите“ за ресетирање на односите на Обединетото Кралство со Европа. Британскиот премиер изјави дека би можел да води кампања за враќање на Британија во Европската унија на следните општи избори, со што повторно би се отворила дебатата во земјата за нејзините односи со континентот, една деценија по гласањето за Брегзит.
Бурнам сугерираше дека Обединетото Кралство би можело повторно да ѝ се придружи на ЕУ под негово водство. Тој изјави дека сегашниот договор за Брегзит предизвикал „повеќе штета отколку корист“ и дека сака да ги поправи долгорочните односи на Обединетото Кралство со Европа.
Изјавите на Барнам претставуваат прв случај по референдумот за излез од ЕУ пред една деценија, кога некој британски премиер навестил дека би можело да се направи обид земјата да се врати во Унијата. Во својот главен говор на годишната конференција на Лабуристичката партија во вторникот, тој истакна дека Брегзит не дава резултати за Британија, но неговите коментари во средата отидоа и чекор понатаму.
Во својот говор на конференцијата на Лабуристичката партија во Ливерпул во вторникот, премиерот Бурнам вети дека ќе истражи можности за поблиски врски со Европа. Сепак, во средата наутро за Би-би-си изјави дека ќе размисли за поништување на одлуката на Обединетото Кралство да ја напушти ЕУ.
Говорејќи во емисијата „Today“ на Би-би-си Радио 4, г-дин Бурнам рече дека не сака прашањето за односите меѓу Обединетото Кралство и ЕУ да остане „висечко“ и сака да биде јасен околу тоа „во која насока сакаме да се движи Британија во наредната деценија“.
На прашањето дали сака Обединетото Кралство повторно да ѝ се придружи на ЕУ, тој одговори дека сака да ги „разгледа опциите“.
Тој додаде: „Можеме да останеме како што сме сега. Тоа дефинитивно е опција, доколку луѓето сметаат дека ова е вистинската позиција. „Jасно е дека постојат опции што треба да се разгледаат, а ние мораме да видиме што е изводливо и кои би биле предностите и недостатоците на секоја од нив.“
Ова доаѓа и покрај тоа што Бурнам, додека беше кандидат на дополнителните избори во Мејкерфилд, вети дека нема повторно да ги „отвора“ дебатите за Брегзит и изјави дека „не предлага Обединетото Кралство да размислува за повторно приклучување кон ЕУ“.
За време на својот говор на конференцијата во вторникот, Бурнам го посочи Брегзит како причина за губењето на контролата врз имиграцијата и економијата и им порача на членовите на партијата дека сегашните односи со Европа не се „доволно добри“. Тој исто така изјави дека сака да го искористи одложениот самит, што ќе се одржи подоцна оваа година, за да претстави „различни опции“ за долгорочните односи на Обединетото Кралство со Европа.
Барнам е категоричен: „Брегзит не ни донесе контрола. Ја изгубивме дел од контролата што ја имавме врз нашата економија, бидејќи деценијата на слаб раст нè стави во послаба позиција, а изгубивме и дел од контролата врз имиграцијата.“
Конзервативците сега го обвинуваат премиерот дека се обидува „да ги отвори старите рани преку повторно започнување на битките од годините на Брегзит“.
Алекс Бургхарт, заменик-лидер на британските конзервативци, изјави: „Лабуристите не можат вината за своите катастрофални економски одлуки да ја префрлаат врз гласање што се случило пред повеќе од една деценија. „Покрај тоа, тие веќе нè вовлекуваат во Европската Унија на мала врата, преку нивниот план за ресетирање на односите со ЕУ.“
