МАКЕДОНИЈА ДОБИ ТРЕТ МОБИЛЕН ОПЕРАТОР: АЕК му додели на „ОНЕ Македонија“ лиценца за 5Г-радиофреквенциски спектар

454

Време зa читање: 4 минути

Македонија и официјално добива трет мобилен оператор. Агенцијата за електронски комуникации денес свечено му додели на „ОНЕ Македонија“ лиценца за 5Г-радиофреквенциски спектар. Унгарскиот мобилен оператор најави дека стартува со своит услуги во првиот квартал на 2027 година, дека првично ќе почне да работи на територијата на Скопје и дека ќе ја користи мрежата на постојните два оператора додека да изгради сопствена, за да може на своите идни клиенти да им нуди услуги со целосна покриеност на државата со мобилен сигнал.

Директорот на АЕК, Јетон Акику, му ги врачи одобренијата што се доделуваат со тендерот на Пал Заранди, претседател на одборот на директори на „Оне Македонија“ и директор на стратегии во Групацијата 4иГ, Бране Ѓуровиќ, извршен директор на „Оне Македонија“, и на Габор Алтман, заменик-извршен директор во компанијата.

„За да бидеме целосно независни, тоа бара време и затоа ќе ја користиме мрежата на нашите конкуренти за т.н. национален роаминг. Првично ќе ја лансираме мрежата во Скопје, а потоа и на територијата на цела Македонија’ – рече Заранди. Тој најави дека компанијата има договор со шведски „Ериксон“ и дека ќе се придржуваат до законите на државата за користење безбедна мрежа.

Игор Бојаџиев, претставник на Агенцијата за електронски комуникации, соопшти дека „Оне Македонија“ на 14 јануари го уплатил еднократниот надомест во износ од 8.020.003 евра, со што ги исполни сите услови да ги доби трите одбренија.

Заранди рече дека ОНЕ Македонија очекува сериозен удел на пазарот и покрај тоа што македонскиот пазар до сега бил покриен со мобилните услуги на двата постојни оператора. „И во други држави, каде веќе постоел и трет мобилен оператор, новодојдената конкуренција, преку понуда на нови и поквалитетни услуги релативно брзо на се наметне и да го зголееми пазарниот удел.

Заранди го пофали и спроведениот трансперентен и структуриран процес на тендерот се испраќа јасен сигнал дека Македонија е посветена на фер конкуренција, долгорочни инвестиции и развој на доверливи дигатални инфаструктури – рече Заранди.

Новиот оператор до крајот на март 2027 година треба да покрие еден град со 5Г, до крајот на 2028 година главните коридори во согласност со договорот за основање транспортна заедница на основната и за сеопфатната патна мрежа во државата да бидат покриени со непрекинат 5Г-сигнал, а до крајот на 2030 година сите градови во државата. До крајот на 2032 година се очекува секој граѓанин да има можност за пристап до интернет преку 5Г со минимална брзина на пристап до интернет од најмалку 100 Mbps.

Процесот за воведување трет мрежен оператор за мобилни мрежи и услуги почна минатата година откога Групацијата 4иГ, преку својата подружница „Оне Македонија телекомуникации“, на 17 декември 2024 година, официјално достави писмо за намери до АЕК, каде што изрази интерес за обезбедување достапни радиофреквенции како дел од планот за влез на телекомуникацискиот пазар како нов оператор во државата.

На 22 април 2025 година Агенцијата за електронски комуникации отвори јавна расправа, која резултира со писмa за искажување интерес од „Оне Македонија телекомуникации“ ДООЕЛ Скопје, „Битстрим мобиле“ ДООЕЛ Скопје и од „Е&ппф телеком груп Б. В“., а на 19 јули 2025 година донесе одлука за распишување јавен тендер со јавно наддавање за доделување одобренија за користење радиофреквенции од радиофреквенциските опсези 700 MHz, 1800 MHz и 3.x GHz.

Единствен квалификуван понудувач на тендерот беше „Оне Македонија телекомуникации“, а одлуката за избор на најповолен понудувач на тендерот беше донесена на 12 јануари годинава.

МАКЕДОНИЈА ДОБИ ТРЕТ МОБИЛЕН ОПЕРАТОР: АЕК му додели на „ОНЕ Македонија“ лиценца за 5Г-радиофреквенциски спектар

слично