Аналитика
По неколкугодишна пауза, со помош на Ротари Клуб Скопје Х, иницијативата #ТвитерДедоМраз повторно се активира со проширена мисија и нова организациска поддршка.
#ТвитерДедоМраз првично (инцијатива започната од @gogiche) беше насочена кон подобрување на условите на детското одделение на Неврохирургија за веќе во наредните иницијативата да се прошири, со фокус на обезбедување новогодишни пакетчиња за деца од социјално загрозени семејства. Техничката поддршка и веб-платформата dedomraz.mk се обезбедени од компанијата ГрабИТ, додека здружението Љубезност е задолжено за креирање и ревидирање на списокот на корисници.
По прекинот предизвикан од пандемијата, од 2025 година иницијативата повторно се активира, овојпат со официјална поддршка од Ротари Клуб Скопје Х, со што добива поцврста организациска структура и поширока, вклучително и меѓународна, покриеност.
Од оваа година, #ТвитерДедоМраз се проширува, па покрај обезбедување новогодишни пакетчиња за деца од социјално загрозени семејства, со два нови столба:
- донација на прехранбени продукти за социјално загрозени семејства;
- донација на школски прибор за деца од основно образование кои потекнуваат од социјално загрозени семејства.
Денес, целта е да израдуваме 3.000 деца со новогодишни пакетчиња, како и дополнителна поддршка за семејства во потреба низ целата држава.
Начини за донација
Донациите може да се реализираат на следните начини:
Онлајн:
www.dedomraz.mk
Преку банкарска уплата:
|
|
Организаторите упатуваат отворен повик до граѓаните, компаниите и медиумите да се вклучат и да бидат дел од оваа заедничка мисија – затоа што радоста е најубава кога се споделува.
Повеќе информации можат да се најдат на www.dedomraz.mk; X: @RotarySkopjeX
