За 0,21% од основната главнина на „Реплек“ во блок-трансакција платени над 93 илјади евра

За пакет акции на домашната фармацевтска компанија „Реплек“ познат инвеститор платил 93,2 илјади евра. Со тоа купувачот во своја сопственост стекнува 0,21 процент од основната главнина. За блок-трансакцијата реализирана на официјалниот пазар – берзанска котација известува Македонска берза.

Станува збор за трансакција вредна 5.747.500 денари, пресметана по цена од 104.500 денари за акција. Пакетот се состои од 55 обични акции, чија номинална вредност е 562,42 евра.

Акцијата на „Реплек“ бележи постојан раст. Според податоците од последната дневна берзанска листа со датум од 22 април, акцијата е со просечна цена од 109.400 денари.

Освен тоа, зголемена е и вредноста врз која се пресметува дивидендата за акционерите – од 1.800 за 2022, на 2.700 денари по акција за 2023 година.