Во Германија утврден софтверски дефект на 59 илјади возила на Tesla

Германската агенција за патен сообраќај КБА соопшти дека ги повлекува моделите Y и 3 на Tesla поради дефект во системот за автоматски повици за итни случаи, што влијае на 59.000 возила на глобално ниво. Надзорот на КБА на својата веб-страница од 29 јуни објави дека софтверски пропуст предизвикува дефект на eCall, кој е дизајниран автоматски да контактира со одговорните лица за итни случаи во случај на сериозна несреќа. КБА соопшти дека 59.129 возила биле погодени на глобално ниво, но не прецизираше колку од нив се регистрирани во Германија, јави Ројтерс.

Пропустот во софтверот е дополнителна главоболка за главниот извршен директор Илон Маск, откако Tesla во саботата соопшти дека испорача 17,9% помалку електрични возила во вториот квартал од претходниот квартал, бидејќи кинеските локдауни поврзани со Ковид 19 го нарушија синџирот на производство и снабдување.

Маск минатиот месец изјави дека новите фабрики на Тесла во Тексас и Берлин „губат милијарди долари“ додека се борат да го зголемат производството поради недостигот на батерии и проблемите со кинеските пристаништа. Американската Национална управа за безбедност на сообраќајот на патиштата (NHTSA) на почетокот на јуни ја надгради својата истрага во 830.000 возила на Tesla со напредниот систем за помош на возачот Autopilot, неопходен чекор пред да може да побара отповикување.