Колку инфлацијата го поттикнува најновиот раст на биткоинот?

Загриженоста за инфлацијата, наместо оптимизмот за првите американски ETF фјучерси базирани на биткоин, всушност ја доведуваат најтргуваната дигитална валута до нови рекордни вредности, велат стратезите на инвестициската банка JPMorgan Chase.

„Сам по себе, тргувањето со фјучерси веројатно нема да започне нова фаза во форма на значително поголем прилив на свеж капитал во биткоин“, пишуваат аналитичарите во познатата банка. „Наместо тоа, веруваме дека перцепцијата на биткоинот како подобра заштита од инфлација од златото е главната причина за сегашниот пораст, кој од септември предизвика промена од фјучерси на злато кон оние изразени преку криптовалути.

Значи, според толкувањата од JP Morgan Chase, тргувањето со биткоин фјучерси не е причина, туку последица на зголемениот интерес за криптовалутите во последно време. Растечката загриженост за инфлацијата ги оживеа интересите на инвеститорите за средства кои можат да дејствуваат како заштита – вклучувајќи го и биткоинот.

Златото не успеа да одговори на зголемената загриженост за зголемените ценовни притисоци во последниве недели, така што транзицијата од фјучерси на злато кон фондови за биткоин се забрза. „Оваа промена во протокот останува недопрена и ја поддржува победничката перспектива за биткоин до крајот на годината“, велат аналитичарите.

На пример, 56 милијарди долари „тешкиот“ SPDR Gold Shares ETF, со етикетата GLD, која го следи златото, е во пад четврти месец по ред и изгуби околу 3,6 милијарди долари во тој период, според податоците собрани од Блумберг.

Биткоинот постави нов рекорд во средата, преминувајќи ја границата од 66.000 долари за прв пат. Инвеститорите и аналитичарите во голема мера го припишуваат овој пробив на оптимизмот во однос на зголеменото прифаќање на оваа криптовалута во главните текови на пазарот на капитал, по успешното лансирање на инаугуративен фонд со кој се тргува на берзата за американските инвеститори.

ProShares BITO ETF означи голем момент оваа недела кога дебитираше во вторникот како втор најтргуван фонд. Едноставно кажано, издава хартии од вредност како акции со кои инвеститорите „се обложуваат“ на резултатите на целиот пазар на биткоини во одреден временски период. БИТО продолжи со добриот тек и во текот на вчерашниот ден, забележувајќи обем на тргување над 29 милиони акции, што е повеќе од 1,2 милијарди долари. Тоа е најбрзиот ETF што достигна граница од 1 милијарда долари, според Bloomberg Intelligence.

Но, инвеститорите на биткоин веќе имаа на располагање „мноштво инвестициски избори“, истакнува JPMorgan Chase. Стратезите на банката укажуваат на уште претходното лансирање на Purpose Bitcoin ETF (со тикерот BTCC) во Канада, кој прво доживеа топол прием, а потоа и благ пад на интересот. Почетната пумпа околу БИТО може да згасне по една недела“, заклучуваат во оваа банка.