Стопанска банка Скопје со повеќе медали и фер-плеј признание на Банкарските игри

Тимот на Стопанска банка Скопје и оваа година успешно настапи на Банкарските спортски игри што викендов се одржаа во Охрид, освојувајќи повеќе медали во различни дисциплини и едно посебно признание за фер-плеј.

Од банката информираат дека нивните вработени освоиле две први места – во кошарка во машка конкуренција и во стрелаштво кај жените.

Дополнително, тимот на Стопанска банка Скопје освои и две сребрени медали, во пинг-понг и тенис во женска конкуренција, како и бронзен медал во женска одбојка.

Посебно признание доби и вработениот Петар Велинов, кој беше избран за фер-плеј играч на Банкарските игри.

„Неговиот пример ја отсликува вистинската вредност на спортот – чесност, почит и достоинство“, велат од Стопанска банка Скопје.

Од банката посочуваат дека спортските активности имаат важна улога во градењето тимска култура, меѓусебна поддршка и заеднички успех, потенцирајќи дека токму таквиот дух го карактеризира нивниот тим.

Банкарските спортски игри традиционално обединуваат вработени од финансискиот сектор, кои преку натпреварување и дружење го промовираат спортскиот дух, тимската работа и корпоративното заедништво.