ПОВЕЌЕ

    Синдикатот на ,,Пошта” загрижен-И покрај дебелиот минус на сметка од 1,5 милиони евра објавен оглас за 31 работник

    Време зa читање: 3 минути

    ,,Анализата на распишаниот јавен оглас пред два дена, како и лошатата финансиска соостојба на АД ,,Пошта” покажува дека 80% од посочените вработувања не се во согласност со реалните потреби на Друштвото, односно со цел за поголема ефикасност, продуктивност и мотивација во работењето, тие испразнети работни места може да се пополнат со внатрешно прераспоредување на постоечките кадри во самите Подружници и Дирекција, велат од Синдикатот на Македонска пошта.

    Имено, Ставот на Синдикатот на Македонска пошта и вработените е дека само неколку испразнети работни места кои не се повеќе од 5 до 7 работни места, односно 20% од вкупниот број на објавените вработувања во огласот со високо образование се оправдани од причина што за нив се бара соодветно образование и истите претставуваат реална потреба за пополнување со нови вработувања, додека пак останатите 80% од објавените работни места се крајно непотребни и непродуктивни, а истите може да се пополнат со внатрешно прераспоредување од постоечките кадри согласно нивниот работен стаж и искуство, имајќи во предвид дека за тие работни места не е потребно соодветно образование, односно истите може да се реализираат и со било кое друго високо образование.

    Исто така, Друштвото не спроведе постапка на информирање и консултирање со Синдикатите и не побара мислење за ова прашање кое директно ќе има импликации на останатите вработени, нивните плати, како и на опстојувањето на Македонска пошта. На тој начин постапката е спроведена спротивно на Законот за работните односи, конвенциите на МОТ и директивите на ЕУ за информирање и консултирање.
    Од горе изнесените аргументи, Синдикатот на Македонска пошта со ова соопштение го повикува Генералниот директор да ја преиспита одлука за распишување на јавен оглас за вработување на нови триесет и еден административен работник имајќи ја во предвид лошата финансиска состојба и можноста поголемиот дел од испразнетите работни места да се пополнат со внатрешно прераспоредувања од постоечките кадри и со тоа да се овозможи

    Пренамена на планираните средства за нови вработувања, истите да се наменат за зголемување на платите на вработените кои повеќе од 30 години не се зголемени и истите се далеку под просечна плата, а особено загрижувачко е нивото на плата на 80% од вработените кои се во технолошкиот процес каде што нивната плата е приближна на минималната плата. Потребата за пренамена на средствата за зголемување на платите се дотолку оправдана и неопходна со оглед на секојдневните зголемувања на цените на основните намирници за живот, а секое поскапување ја продлабочува нашата долгогодишна борба за пристоен и достоинствен живот на нашите семејства.

    Барањето за зголемување на платите е во согласност со Меморандумот за соработка и разбирање од 18.12.2019 год во кој Работодавецот и Синикатите се обврзуваат за изнаоѓање решение за реализација за зголемување на платите на вработените.

    Според податоците објавени на порталот Pari.com.mk ,,Пошта” лани покажала загуба од 1,5 милиони евра на сметка.

    13,495Следи нè на facebookЛајк

    слично