Аналитика
Македонска берза е организирана како приватно акционерско друштво со учество на домашните и странски физички и правни лица во сопственоста на компанијата, при што доминантни акционери се неколку банки. Берзата веќе 25 години е единствен оператор на македонскиот пазар на хартии од вредност и има за мисија постојан развојот на овој сегмент од финансискиот пазар.
Берзата располага и управува со развиен и хетероген ИТ систем преку којшто обезбедува транспарентен, безбеден, економичен и ефикасен пазар на хартии од вредност и испорака на највисок квалитет на услугите со цел да ги задоволи потребите на акционерските друштва, инвеститорите во хартии од вредност, брокерите и сите други стејкхолдери.
Електронскиот систем за тргување со хартии од вредност што го обезбедува и одржува Берзата овозможува запознавање со карактеристиките и перформансите на развиените системи за берзанско работење во меѓународни рамки и нуди можност и предизвик за континуирана професионална надградба и следење на најновите технологии во оваа област.
Опис на работата
Македонска берза е во потрага по Систем Администратор за да се приклучи на нашиот ИТ тим со цел квалитетно одржување на функционалностите на информациските системи на Берзата.
Систем Администратор
1. Познавање од
- конфигурација, администрација и поддршка на Windows Server на разни апликациски сервери, домен контролер, backup, анти-вирусната политика и file server.
- конфигурирање на IIS.
- виртуелизација на сервери со користење на VMWare
- компјутерски мрежи вклучително и VPN
- PaloAlto и Cisco Firepower Management Center
2. Елементарни познавања од
- конфигурирање на хардвер, изведување на хардверски и софтверски инсталации и надградби, решавање на проблемите со HW / SW и решавање на секојдневни системски проблеми.
- MS SQL Server (select, insert, update, stored procedures).
3. Креирање на техничка документација
4. Познавање на англиски јазик.
Покрај опишаните професионални предизвици нуди и стимулативни услови во поглед на плата.
Доколку сакате да бидете дел од тимот, Вашата биографија (CV) пратете ја на следниов e-mail: [email protected]
Само кандидатите кои ќе влезат во потесен круг на селекција ќе бидат контактирани и повикани на интервју.
