НАГОРНА КОРЕКЦИЈА КАЈ ГОРИВАТА: Литар поскапува од половина до еден денар

Малопродажната цена на бензинот од 95 октани се зголемува за 0,50 денар за литар, а цените на бензинот БС-98 и на дизел горивото се зголемуваат за 1,00 денар/литар. Цената на нафтата за домаќинствата поскапува за 1,50 денар, а се зголемува и цената на мазутот. Регулаторната комисија за енергетика соопшти дека од вечерва по полноќ се врши зголемување на малопродажните цени на нафтените деривати во просек за 1,84 отсто.

Максималните цени на нафтените деривати по полноќ ќе изнесуваат:

Моторен бензин ЕУРОСУПЕР БС – 95 71,00 (денари/литар)
Моторен бензин ЕУРОСУПЕР БС -98 73,00 (денари/литар)
Дизел гориво ЕУРОДИЗЕЛ БС (Д-Е V) 62,50 (денари/литар)
Масло за горење Екстра лесно 1 (ЕЛ-1) 62,50 (денари/литар)
Мазут М-1 НС 37,019 (денари/килограм).