Аналитика
Samsung Electronics објави дека извонредните карактеристики на Galaxy AI[1], кои беа претходно претставени со серијата Galaxy S24 оваа година, ќе бидат достапни на избрани модели од претходната генерација на уреди на Galaxy од 28 март. Со новото ажурирање на оперативниот систем One UI 6.1, мобилната вештачка интелигенција ќе биде достапна на серијата Galaxy S23, S23 FE, Z Fold5, Z Flip5 и Tab S9[2]. Ова ажурирање го подигнува стандардот на искуството со мобилна вештачка интелигенција преку хибриден пристап што ја обединува вештачката интелигенција на уредот и во облак.
Вештачката интелигенција (ВИ) е едно од најголемите откритија на нашето време и се верува дека мобилните уреди ќе станат главна точка за пристап до оваа технологија; Вештачката интелигенција на овие уреди ќе го преобликува начинот на кој корисниците комуницираат со своите најблиски и светот околу нив, а со тоа ќе отвори нови можности и ќе овозможи напредна комуникација, непречена креативност и продуктивност.
Патувањата отсега ќе бидат уште повозбудливи
Galaxy AI е дизајнирана да обезбеди супериорни мобилни искуства со вештачка интелигенција, која им го олеснува секојдневниот живот на корисниците, како на пример прошетката низ улиците на некој странски град и откривањето места исполнети со историски споменици и автентични ресторани.
Додека патуваат, корисниците можат да ја искусат моќта на алатката Interpreter. Ако се најдат во типична италијанска траторија каде што сакаат да нарачаат локални специјалитети, но не се чувствуваат целосно сигурни во зборувањето на италијанскиот јазик, со помош на алатката Interpreter на уредот на Galaxy тие едноставно можат да нарачаат на нивниот мајчин јазик, а алатката ќе ги преведува нивните желби на италијански јазик во реално време, олеснувајќи ја комуникацијата со персоналот во ресторанот.
Покрај тоа, тие можат да ја користат алатката за Превод во живо (Live translate[3]) за да го преведат текстот што ги опкружува додека шетаат низ градот, на пример, информативните табли со чија помош ќе биде полесно да се најде саканата дестинација. Со едноставно скенирање на текстот со камерата на вашиот паметен телефон, функцијата Превод во живо автоматски ќе го преведе.
При истражување на знаменитостите, како Колосеум или Пантеон, може да се користи функцијата Пребарување со заокружување на Google (Circle to Search with Google[4]). Доволно е со прст да заокружите фотографија од зграда или споменик на екранот на паметниот телефон и веднаш ќе ги добиете сите интересни информации кои го збогатуваат разбирањето на историјата и културното значење на местата што ги посетувате.
Кога ќе се вратите во хотелот по напорниот ден полн со истражувања, ќе можете да ги запишете своите впечатоци со помош на алатката Помош за белешки (Note Assist[5]) во апликацијата Samsung Notes, која ќе се погрижи белешките да бидат организирани. Така ќе создадете дневник за вашата посета на Рим, кој подоцна ќе можете да го прочитате и споделите со своите пријатели.
Сите веќе направени фотографии може брзо и лесно да се доработат со помош на алатките Предлог за уредување (Edit Suggestion[6]) и Генеративно уредување (Generative Edit[7]). Функцијата Предлог за уредување ќе ги предложи најдобрите корекции на фотографиите, додека функцијата Генеративно уредување ќе може да ги отстрани елементите од сликата што го одвлекуваат вниманието, од луѓе до рефлексии.
Достапни се ажурирања на одредени уреди на Galaxy
Корисниците на серијата Galaxy S23, S23 FE, Z Fold5, Z Flip5 или Tab S9 ќе можат да го преземат ажурирањето на One UI 6.1 почнувајќи од 28 март и да ги истражуваат можностите што ги нуди Galaxy AI.
За Samsung Electronics
Samsung го инспирира светот и ја обликува иднината со трансформативни идеи и технологии. Компанијата го редефинира светот на телевизорите, паметните телефони, носивите уреди, таблетите, апаратите за домаќинство, мрежните системи и меморија, LSI системите, лиените и LED решенија и обезбедува беспрекорно поврзано искуство низ својот SmartThings екосистем и отворената соработка со партнерите. Најнови вести на Samsung Newsroom: http://news.samsung.com/mk/.
[1] Samsung не дава никакви ветувања, уверувања или гаранции за точноста, комплетноста или веродостојноста на резултатот што го обезбедуваат функциите на вештачката интелигенција. Можеби ќе биде потребно најавување на Samsung Account за да користите одредени функции на Samsung AI.
[2] Некои функции за вештачка интелигенција од серијата Galaxy S24 можеби не се достапни на моделите од претходната генерација.
[3] За Превод во живо (Live Translate) -е потребно интернет-поврзување и најава на Samsung Account. Live Translate е достапна само на претходно инсталираната апликација Samsung Phone. Одредени јазици може да бараат преземање јазичен пакет. Достапноста на услугата може да се разликува во зависност од јазикот. Точноста на резултатите не е загарантирана.
[4] Резултатите може да се разликуваат врз основа на визуелните совпаѓања. Потребна е интернет врска. Корисниците можеби ќе треба да го ажурираат Android на најновата верзија. Функционалноста на производот може да зависи од поставките на апликацијата и уредот. Некои функции може да не се компатибилни со одредени апликации. Достапноста на услугата варира во зависност од земјата и јазикот. Точноста на резултатите не е загарантирана. Времето на ажурирање може да се разликува во зависност од моделот.
[5] Само за текст во Samsung Notes; бара најавување на сметката на Samsung и интернет конекција.
[6] Функцијата Предлог за уредување (Edit Suggestion) е компатибилен со формати JPG, PNG, GIF и MP4. Резултатите и квалитетот на уредувањето може да се разликуваат во зависност од фотографирањето или условите за снимање. Точноста на резултатите не е загарантирана.
[7] Функцијата Генеративно уредување (Generative Edit) бара мрежна врска и најавување на Samsung Account. Генеративното уредување (Generative Edit) резултира со промена на големината на фотографијата до 12 MP. Видлив воден печат се гледа на добиената слика по зачувувањето со цел да се покаже дека сликата е генерирана од вештачка интелигенција. Точноста и сигурноста на генерираниот излез не се загарантирани.
