МАХЕРИ ВО ДОБИВКИ ОД БРЗИ КРЕДИТИ: „ФЛЕКС КРЕДИТ“ го претрка „КРЕДИТЕН ЦЕНТАР БС“

Порталот Пари, минатата недела го објави првиот дел од анализата како работат небанкарските финансиски друштва за кредитирање, под наслов ГРАЃАНИТЕ СЀ ПОВЕЌЕ СВРТЕНИ КОН ЛЕСНОТО ЗАДОЛЖУВАЊЕ: Ланските добивки на куќите за брзи кредити се 10,5 милиони евра, а целиот банкарски сектор ќарил 150 милиони евра

Денеска Пари открива: Фирмата со најголема добивка лани, во 2020 година беше загубар

Најголема добивка минатата година направило финансиското друштво Флекс кредит, покажуваат податоците од платформата БизнисМрежа.мк . Ова финансиско друштво, со 4 милиони евра приход, остварило добивка од 2,4 милиони евра. Интересен факт е што ова најпрофитно друштво лани, во 2020 година, било загубар! Загубата му била 11.600 евра. Податоците покажуваат значителен раст на приходите во 2021 година во однос на 2020 година – дури 602 %.

Со високата стапка на профитабилност, Флекс кредит со добивката отишло далеку над компанијата која лани имала најголем приход, а тоа е Иуте кредит. Иуте кредит лани остварила приход од 11,8 милиони евра, а направила добивка од 1,2 милиони евра.

Претходната, 2020 година, состојбата била поинаква. КРЕДИТЕН ЦЕНТАР БС во 2020 година имала добивка од 1,5 милиони евра и тоа било најголемата добивка. Минатата година КРЕДИТЕН ЦЕНТАР БС имала добивка од 1,3 милиони евра, односно добивката се намалила за 66,8 %, иако приходите на компанијата се зголемиле за 66,8 %. Имено, приходот во 2020 година бил 2,2 милиони, а во 2021 година изнесувал 3,7 милиони евра.

ФИНАНСИСКИ ДРУШТВА СО ДОБИВКИ НАД 1.000.000 ЕВРА ВО 2021 ГОДИНА

|ВО ЕВРА|

Лектор: Христина Ангелеска

Редакција Пари

Преземањето на авторски содржини (текстови и фотографии) од оваа страница е дозволено само делумно и важат условите опишани на следниот линк.