Аналитика
Европската унија ја заострува директивата за минимална плата – веќе во вторник на 7 јуни би можело да се потпише политички договор за мерка изгласана во Европскиот Парламент пред речиси една година, чија цел е да се гарантираат приходи кои можат да обезбедат пристоен стандард на живеење за работниците и нивните семејства во сите европски земји, пишува РТС.
Закон за минимална плата до денес не постои само во Италија, Австрија, Кипар, Данска, Финска и Шведска. Според последните податоци на Евростат (агенцијата за статистика на Европската унија), минималната плата во Европа се движи од 332 евра месечно во Бугарија до 2.257 евра во Луксембург.
Во Франција, каде што инфлацијата галопира, минимумот е тројно зголемен (вкупно за 5,9 отсто), а синдикатот кој ги штити правата на работниците се бори да достигне 2.000 евра месечно. Во Шпанија минималната плата достигна 1.000 евра за 14 месечни примања, додека во Португалија синдикатот бараше зголемување од 705 на 800 евра. Во Италија, без разлика на барањето на Европа и без оглед на огромната инфлација и долгови што ги има земјата поради пандемијата и руско-украинскиот конфликт, политичарите се поделени по тоа прашање.
Според последните проценки, Швајцарците во просек заработуваат повеќе од вработените во другите земји: 67.658,78 евра годишно, што е три пати повеќе од просечната плата на Италијанците, додека Исланѓаните, Норвежаните и Луксембуржаните заработуваат во просек по околу 40.000 евра годишно.
Просечната годишна плата во Германија е околу 31.000 евра, Французите во просек заработуваат околу 21.000 евра, исто како Италија и Шпанија, додека пак Романците, Летонците, Унгарците и Хрватите заработуваат помалку – помалку од 10.000 евра годишно .Според податоците на Евростат, просечната годишна плата на Италијанците е 21.462,62 евра, што е околу 1.533 евра месечно за 14 плати. Но, треба да се земе предвид дека не сите работници имаат 14 примања и дека платите драстично се разликуваат од југ до север од државата.
Најниска плата, околу 7.000 евра годишно, земаат земјоделските работници и вработените во домаќинствата. Италија е над европскиот просек на индексот на сиромаштија на работниците. Имено, 11,6 отсто од вработените се сиромашни во оваа земја, додека тој процент во Европа застанува на 9,2.
Според најновата анализа на Организацијата за економска соработка и развој, која го земала предвид движењето на средните приходи во Европа во последните 30 години, Италија е на незавидно место во споредба со другите земји и воедно е единствената земја каде што платите се се намалува наместо да се зголемува. Италија забележа пад на платите за 2,9 отсто, во споредба со 6,2 отсто во Шпанија, 15,5 отсто во Холандија, 31,1 отсто во Франција и 31 отсто во Германија, 33,7 отсто.
На листата од десет земји чии вработени имаат највисока просечна заработка се: Швајцарија со 4.900 евра месечно, потоа Данска – 3.914 евра, Норвешка – 3.795 евра, Луксембург – 3.573 евра, Исланд – 3.221 евра, Австрија – 3.104 евра, Ирска – 3.104 евра. евра, Германија – 2.952 евра, Франција – 2.791 евро и Шведска со 2.770 евра.
Швајцарија е лидер и по квалитетот на живот, не само поради високите плати туку и поради безбедноста, услугите во приватниот и јавниот сектор, како и односот на граѓаните кон природната средина.
Поради галопирачката инфлација, платите растат речиси во цела Европа, освен во Италија, каде што и покрај огромниот раст на цените, платите не се зголемија. „Инфлацијата во еврозоната достигна 7,5 отсто, што ќе доведе до зголемување на платите за 3 отсто оваа година“, изјави Филип Лејн, економист и шеф на Европската централна банка, велејќи дека вакво нешто не се случило во последните десет години.
Во Германија 85.000 работници во челик се обидуваат да преговараат за зголемување од 8,2 отсто, додека вработените во хемискиот и фармацевтскиот сектор добија вкупно 1.400 евра. Минималната плата ќе се зголеми од 10 на 12 евра на час, а во Данска од 10 на 14 евра на час како што бара синдикатот.
