Каква е иднината за Германската економија?

Германија е најголемата економија во Европа. Имаше помалку смртни случаи поврзани со коронавирус отколку нејзините соседи. Но секако, таа не ја избегна пандемијата во целост. Всушност, земјата веќе се соочува со рецесија пред појава на коронавирус и оваа глобална пандемија само ги продлабочи структурните слабости во Германија. Со нарушување на клучниот автомобилски сектор, неизвесност во глобалните синџири на снабдување и поширокиот застој во еврозоната, земјата треба да се соочи со најсилниот пад од Втората светска војна.

Каква е иднината за Германската економија? Во текот на последната деценија, Германија оствари рекордно високо вработување и посилен економски раст од нејзините европски соседи. Но, ова забавуваше во последните две години. После финансиската криза во 2008 година, Германија имаше многу силен пазар на трудот. Но, тогаш од средината на 2018 година германската економија почна да забавува. Зошто? Прво, глобалните трговски конфликти се одразија на критичкиот производствен сектор. Производителите на автомобили во Германија извезуваат 77% од локално произведени автомобили, или 60% од вкупниот број на автомобили извезени од ЕУ во 2019 година. Покрај забавувањето на побарувачката од Кина дури и пред пандемијата, заканата од нови тарифи од Соединетите држави им “висеше” над глава.

Автомобилската индустрија се опоравува и од скандалот со Фолксваген, кој влијаеше на угледот на индустријата. Кога се појави „Ковид-19“, германската влада иницијално не сакаше да ги зголеми своите трошоци и да инвестира во јавната инфраструктура. Главната цел во Берлин беше да обезбеди здрави јавни финансии. Ова значеше дека дигитализацијата и јавната инфраструктура не добиваат толку многу инвестиции. Врските со мобилни телефони не функционираа добро, железничкиот систем беше во лоша форма. Даночните приходи се толку големи и луѓето велеа дека само се троши на погрешни приоритети. Потоа, сите се согласија. Треба повеќе да се инвестира за борење со кризата. 

Сепак, нарушувањето на глобалните синџири за снабдување тешко ја погоди Германија. Фабриките се затворени или работат со намален капацитет со цел да се обезбеди социјално растојание, а границите се претежно затворени. Ова е големо прашање за Германија затоа што меѓународната трговија е клучна за нејзината економија ориентирана кон извоз. Неспособноста да ги продава своите производи во странство претставува голем предизвик. Всушност, германскиот извоз падна за 24% месечно од март до април. Во истиот период, увозот се намали за 16,5%. Ова беше најсилниот месечен пад на извозот и увозот од повторното обединување на Германија.

Поради тоа, широко критикуваниот трговски суфицит во Германија, кој беше честопати цел на Доналд Трамп, се намали на најниско ниво од декември 2000 година. Сепак, последните податоци покажаа дека може да има посветла иднина за трговија. Индексот што го следи секторот за производство и услуги, покажа дека деловната активност се враќа во мај, бидејќи Германија олесни некои социјални ограничувања. Како и да е, сè уште е далеку од нивото пред кризата. Неизвесноста е кошмар за производителите, вели Тило Бродман, извршен директор на Здружението за индустриска машинска индустрија. За индустријата за машинство, која во Германија има вработено еден милион луѓе, добра вест е дека никогаш не се случило вистинско стопирање на економија, како што беше тоа случајот во други држави. 

Но лошата вест е што, наспроти ова, германската економија би можела да се намали за 7% во 2020 година. Како ќе закрепне, ќе зависи од одговорот на владата и како таа планира да се справи со кризата. Досега, Берлин го објави најголемиот пакет за фискални стимуланси во Европа. Издаде повеќе од 450 милијарди евра, во директни фискални мерки за стимулирање, што е најголема сума во однос на која било од нејзините европски соседи. Германија во суштина го имаше најголемиот спасувачки пакет во светот, така што тоа беше прилично драстична промена во германските јавни финансии. И за да спречи загуба на работни места, Германија има програма спонзорирана од државата, наречена Курзарбеит, која ги поттикнува компаниите да го намалат работното време на своите вработени наместо преку форма на субвенции за плати. За време на глобалната финансиска криза, Германија беше единствената земја што успеа да го задржи стабилно вработувањето и покрај контракциите во нејзиниот БДП (делумно благодарение на нејзината програма Курзарбеит). 

Економистите сметаат дека Германија ќе продолжи да ги надминува другите европски земји, но голем дел од нејзиниот успех ќе зависи од тоа каде инвестира владата во текот на следните години. Темпото на закрепнување во Германија ќе зависи и од соседите. Во мај, Германија поддржа огромен пакет за фискален стимул за Европската унија. Но, структурните слабости не се исчезнати. Како што Германија отвори повторно, нејзината доверба во извозот и нејзината изложеност на меѓународната трговија, ја ставаат во несигурна состојба.