Аналитика
Франција и Холандија предлагаат засилување на контролата врз големите технолошки компании во ЕУ, со цел поефикасно да ја контролираат нивната позиција на пазарот.
Во заедничкиот документ што наскоро ќе биде претставен пред Европската комисија, двете земји предложија на европските власти да им се овозможи поефикасно да ја контролираат пазарната моќ на три големи компании – Гугл, Фејсбук, Амазон.
Застапниците на оваа мерка сметаат дека пристапот до податоците што ги имаат овие компании може да има корист и од властите и од економијата во земјите-членки на ЕУ, сето тоа со цел да се поттикне слободната конкуренција на пазарот. Тие сметаат дека трите технолошки компании сега се во подобра позиција на пазарот од другите компании затоа што имаат пристап до кориснички податоци што им овозможува да направат посоодветно персонализирани понуди за потрошувачите.
Сепак, ова не е новост. ЕУ со месеци работи на подобрување на регулативата во оваа област, а истовремено спроведува истраги за монополското однесување на одредени технолошки компании.
Дури и Америка, до неодамна синоним за отворен и крајно либерализиран пазар, веќе не се помирува со влијанието на странските технолошки гиганти на нејзиниот пазар, што многу јасно се виде во неодамнешната пресметка со кинеската компанија ByteDance.
