Каква е поврзаноста на финансиите со тоа дали сте во врска?

Истражувањата покажаа дека сопружниците го зголемуваат своето индивидуално богатство заедно, но исто така и дека во брак милениумците се повеќе ја раздвојуваат заработката.

Нема сомнение дека сите веруваат дека бракот ќе им донесе ново, посреќно поглавје во животот.

Но, нешто за кое што можеби повеќето луѓе не размислуваат, ако се венчаат од љубов, наместо од интерес, е дали бракот ќе ги направи побогати? Студија спроведена од Универзитетот во Охајо (ОСУ) откри дека луѓето одеднаш го зголемија нивото на богатство по бракот.

По 10 години брак, паровите пријавиле просечна нето вредност од околу 43.000 долари, во споредба со 11.000 долари пријавени од тие што не се во врска. Сепак, луѓето кои се омажиле или ожениле, а потоа се развеле биле во полоша позиција од двете групи. По разводот, просечен маж останал со средства од 8.500 долари, додека просечна разведена жена имала само 3.400 американски долари. Како што покажува оваа студија, стапувањето во брак има свои ризици, но и придобивки.

Покрај тоа, постојат многу фактори кои играат улога во тоа како бракот влијае на вашите финансии, а еден од главните е дали имате деца. Невозможно е прецизно да се каже дека луѓето кои стапиле во брак секогаш се подобри во поглед на финансиите од оние кои не се во брак, или обратно. Сепак, студијата ОСУ продолжува да зборува за можностите за подобра заштеда на пари, со споделување на трошоците на прво место.

Друга студија, поврзана со помладите генерации, покажува дека милениумците кои се во брак ретко имаат заеднички буџет за домаќинствата. Тие главно ги „чуваат“ своите плати на картички, а парите ги трошат по сопствен избор, освен за плаќање заеднички сметки.