Аналитика
Воздухопловните и бродските превозници ќе треба да потврдат дали патниците без виза имаат важечко овластување за патување во рок од 48 часа пред поаѓањето штом ќе се стартува ETIAS, Европскиот систем за информации и овластувања за патување. ETIAS ќе биде имплементиран во средината на 2025 година, а неговото лансирање значи дека ќе бидат донесени значајни промени не само за патниците, туку и за меѓународните превозници.
Покрај воздушните и поморските превозници кои ќе бидат одговорни за проверка на овластувањата за патување на оние на кои им е дозволен безвизен влез во блокот, клучна улога во обезбедувањето на целосно спроведување на новите правила ќе имаат и компаниите за автобуски превоз, информира официјалната страница на ЕУ.
Сепак, меѓународните превозници ќе имаат грејс-период од три години за да се усогласат со барањето за проверка на овластувањата за патување.
Како што се објаснува на официјалната веб-страница на Европската унија, за проверка на сите документи ќе се користи нова електронска алатка наречена интерфејс на операторот.
За да можат да го користат интерфејсот, сите оператори ќе треба да се регистрираат во eu-LISA, која е агенција на ЕУ одговорна за овој систем.
Во моментов, повеќе од 100 превозници, главно од воздухопловната индустрија, се регистрирани за користење на интерфејсот.
Оние кои нема да се усогласат со новите регулативи штом ETIAS ќе стане ефективен ризикуваат да бидат одбиени да влезат во авион.
Без оглед на начинот на патување, сите патници на кои им е дозволено да влезат во ЕУ без виза ќе мора да ги поминат проверките на ETIAS на надворешните граници.
Сепак, автобуските оператори нема да бидат задолжени да проверуваат дали патниците поседуваат овластување за патување ETIAS. „Штом ETIAS ќе биде лансиран во средината на 2025 година, од воздушните и поморските превозници ќе се бара да потврдат, во рок од 48 часа пред поаѓањето, дали патниците ослободени од виза имаат важечко овластување за патување ETIAS. Меѓународните превозници ќе имаат три години да се усогласат со ова барање“, стои на веб-страницата на Европска унија,
Во такви случаи, како што нагласува официјалната веб-страница на ЕУ, на пример, на сите луѓе кои заминуваат од Обединетото Кралство со воз ќе им биде потврдено овластувањето за ETIAS од граничарите пред да се качат.
Превозниците нема да проверуваат дали нивните патници поседуваат овластување за патување ETIAS. Независно од превозните средства што ги користат патниците, нивниот ETIAS секогаш ќе се проверува на граница, стои во информацијата на Европска унија.
Превозниците кои нема да ги почитуваат новите правила за проверка на документот може да се соочат со казни. Степенот на казните доколку се пронајдат некои превозници кои превезуваат патници без валидни ETIAS документи ќе го одредат земјите-членки на ЕУ.
ETIAS не е виза, а апликацијата за документи е многу едноставна, брза и евтина. Процесот на аплицирање ETIAS трае само неколку минути. ЕТИАС ќе чини само 7 евра, а документот ќе важи за период од три години или до истекот на пасошот на апликантот.
