ПОВЕЌЕ

    Пандемијата ја урива цената на нафтата: Профитот на „Сауди Арамко“ преполовен

    Време зa читање: 2 минути

    Нафтениот гигант „Сауди Арамко“ забележал пад на нето-добивката од 50 проценти во првата половина на финансиската година, како одраз на погубното влијание на пандемијата на нафтените пазари.

    Во изјавата објавена во неделата, компанијата изјави дека нето добивката во првите шест месеци од годината се спушти на 23,2 милијарди долари, што е за половина помалку од 46,9 милијарди долари споредбено со истиот период лани.

    Најголемото државно нафтено претпријатие и најголемиот светски производител на нафта задржа дивиденда од 18,75 милијарди американски долари во вториот квартал, велејќи дека ќе биде исплатена во третиот квартал. Дивиденда од иста сума од првиот квартал е платена во вториот квартал.

    Вкупниот проток на пари на компанијата беше 21,1 милијарди американски долари во првото полугодие, што е намалување од 38 милијарди американски долари претходната година.

    Намалената побарувачка и пониските цени на нафтата влијаеја на резултатите од вториот квартал, изјави претседателот на „Арамко“ и извршен директор – Амин Насер

    Овие резултати дојдоа една недела откако „Арамко“ ја отстапи титулата најголема светска компанија по пазарна капитализација на американски „Епл“.

    Финансиските резултати за вториот квартал одразуваат најголем шок на глобалните пазари на енергија во последните неколку децении.

    14,794Следи нè на facebookЛајк

    слично