Велика Британија прв пат продаде обврзници со негативен принос

Датум на објава: 21.05.2020

Велика Британија во средата прв пат продаде државна обврзница со негативен принос, што значи дека владата реално заработува со задолжувајки се, бидејќи инвеститорите се согласиле по достасувањето да им се исплати нешто помала сума од онаа која и ја позајмиле на државата.

Државната канцеларија за управување со државниот долг објави дека на аукција продала државни обврзници во износ од 3,75 милијарди фунти (4,6 милијарди долари) со негативна стапка на принос од -0,003 проценти, пренесува Reuters.

Рокот на достасување е во јули 2023 година.

Иако инвеститорите ќе добијат годишна каматна стапка од 0,75 проценти, тие ги платиле обврзниците повеќе од нивната номинална вредност, па нивното враќање на парите ќе биде помалку од износот кој го позајмиле доколку тој документ за партнерство го држат до рокот на достасување.

Обединетото Кралство им се придружи на Јапонија, Германија и некои други европски земји во продажба на долг со принос под нула проценти, што, според Reuters, укажува на можна длабока рецесија поради коронакризата и натамошната активност на централните банки при купување обврзници за да го ублажат нејзиното влијание.


Тагови: Велика Британија, државни обврзници, заработка, негативен принос, профит,

Facebook профил: pari.com.mk

Инстаграм профил: pari.com.mk

@pari.com.mk

© Преземањето авторски содржини е забрането со закон. Преземањето на текстови и изјави во авторска сопственост на порталот pari.com.mk е дозволено делумно, со задолжителен хиперлинк до содржината која се пренесува. Секое преземање фотографија означена со лого, без претходна согласност со pari.com.mk, е строго забрането.


Сподели: