Бајден се враќа во битка со економска криза, но овој пат не е големата рецесија

Џо Бајден се враќа во Белата куќа да ги предводи Соединетите држави среде економска криза откако го победи претседателот Доналд Трамп на изборите. Ова е пресврт на настаните што веројатно ќе предизвика морничаво чувство за дежаву за поранешниот демократски потпретседател.

За разлика од 2008 година, кога земјата го избра демократот Барак Обама и неговиот кандидат Бајден кога глобална економија се тргна од кризата со хипотекарни заеми и пропаста на инвестициската банка „Леман брадерс“, се сметаше дека  можеби веќе помина најлошото кога станува збор за економски пад, сметаа економистите и  аналитичарите.

„Сè уште паѓавме во бездната“, се сеќава Доналд Кон, кој беше заменик-претседател на Федералните резерви за време на Големата рецесија 2007-2009, што беше најлошото пад од Големата депресија, но моменталната криза го надмина и тоа пад.

Обама и Бајден стапија на должноста во јануари 2009 година, а во САД невработеноста сè уште растеше, врвот го достигна 10 месеци по нивниот прв мандат, кога беше евидентирана на достигна 10%.

Бајден, кој мина повеќе од една четвртина век во Конгресот пред да стане потпретседател, помогна да се стигне стимулативен пакет од 800 милијарди американски долари, кој беше критикуван од републиканците како расипнички и од левицата како премногу мал.

„Знаеме дека некои од овие пари ќе бидат потрошени залудно“, рече тој пред бизнис-лидерите во јуни 2009 година, повикувајќи ги да го прифатат пакетот.

Денес, економскиот пејзаж е повторно лош, во САД економијата технички е во рецесија и 3,5% помала отколку што беше на почетокот на 2020 година, дури и откако забележа рекордно висок раст во третиот квартал.

Милиони Американци, особено во секторите услуги, ресторани, патувања и забава, остануваат без работа, а не се гледаат ниту изгледи за работа.

Во најлошо сценарио, сегашниот пад може да ја прошири американската подкласа во која доминираат жени и малцински работници.

Коронавирусот сè уште се шири низ поголемиот дел од Соединетите држави, а стравот на потрошувачите и новите блокади ќе ги ограничат изгледите за економски раст.

Економската агенда на Бајден најверојатно ќе се фокусира, прво и основно на излегување на земјата од кризата со корона вирусот,  како и фокус кон здравственото и економското прашање.

Сето ова ќе зависи од  усвојувањето на пакетот за олеснување на пандемијата и дистрибуцијата на вакцина што може да биде готова на почетокот на 2021 година.

Во меѓувреме бројот на заболени и починати од Ковид 19 во Соединетите држави рапидно расте.

„Овој претседател ќе мора да ја води американската популација и економијата на САД, со предимсто на здравјето пред да може да се размислува за било какви структурни промени во политиката “, рече Бет Ен Бовино, шеф на УС економист на глобалните рејтинзи на С & П.