Аналитика
PayPal Holdings (PYPL) објави раст на приходи и вкупниот обем на исплата во вториот квартал, како резултат на растот на е – трговијата во услови на Ковид 19.
Заработката на PayPal се зголеми за 49% наспроти претходната година, приходите од PayPal се искачија за 25% на 5,26 милијарди американски долари за три месеци заклучно со 30 јуни, соопшти компанијата.
„Економијата во светот се трансформира во прва дигитална економија и сметам дека нема да има враќање назад“, рече главниот извршен директор Дан Шулман.
Тој рече дека кризата со Ковид 19 значеше голема и брза промена во масовното однесувањето на луѓето кога станува збор за дигиталните плаќања.
„Во текот на изминатите три до пет месеци настана големо забрзување и популаризирање на електронската трговија, што во други околности би траело од три до пет години“, рече Шулман.
Вкупниот волумен на плаќање се зголемил за 29% или на 222 милијарди американски долари во услови на пандемија предизвикана од коронавирусот.
Акциите на PayPal пораснаа за 2,6%, а дополнително во извештајот за заработка на PayPal се вели дека отворени се дополнителни 21,3 милиони нето нови активни сметки, најмногу досега во еден квартал.
Заклучно со 30 јуни имало 346 милиони активни сметки, наспроти проценките на аналитичарите од 335 милиони.
