Аналитика
Функциите на Инстаграм и Фејсбук кои предизвикуваат зависност кај корисниците ја доведоа Мета во прекршување на дигиталните закони на Европската Унија, заклучи ЕУ во петокот во прелиминарен извештај. Овие функции вклучуваат бесконечно скролување, кое постојано прикажува свежа содржина, автоматско пуштање, испраќаат известувања и високо персонализирани системи за препораки – хранејќи ја потребата на корисниците да продолжат да ги користат платформите и ставајќи ги во „режим на автопилот“.
ЕК изјави дека дизајнерските карактеристики на Фејсбук и Инстаграм, вклучувајќи персонализирани препораки и push известувања, обезбедуваат бесконечен поток на содржина и поттикнуваат прекумерна и компулсивна употреба.
Технолошкиот гигант го прекрши Законот за дигитални услуги на ЕУ со тоа што не ги разгледа соодветно ризиците поврзани со дизајнерските карактеристики што влијаат на физичката благосостојба на неговите корисници, вклучувајќи ги малолетниците и ранливите возрасни лица, соопшти Европската комисија.
ЕК ја обвини Мета за дејствијата како дел од истрагата според Законот за дигитални услуги, кој бара од технолошките платформи да ги заштитат корисниците на интернет, под закана од високи казни. Европската комисија соопшти дека Мета не успеала правилно да ги процени ризиците што дизајнерските функции ги претставуваат за физичкото и менталното здравје на корисниците, вклучително и малолетниците.
Иако постојат алатки што им помагаат на корисниците да ги користат Фејсбук и Инстаграм, таа рече дека тие лесно можат да се игнорираат или отфрлат.
Во своите прелиминарни наоди, Комисијата изјави дека Мета „мора да спроведе промени во дизајнот“ на Инстаграм и Фејсбук, како што е оневозможување на „клучните функции што предизвикуваат зависност“, како што се видеа со автоматско репродуцирање и бесконечно скролување, за да не бидат овозможени по дифолт.
Мета сега има шанса да одговори и да се одбрани пред комисијата да донесе конечна одлука, која може да изнесува до шест проценти од глобалните годишни приходи на компанијата.
„Мета“ се соочува со казна до 6% од вкупниот годишен промет доколку се потврдат наодите на Комисијата.
„Не се согласуваме со овие прелиминарни наоди, кои не ги земаат предвид точно значајните чекори што ги презедовме за да ги заштитиме тинејџерите“, изјави портпаролот на „Мета“.
Откако започна истрагата, „Мета“ воведе тинејџерски сметки кои „автоматски ги штитат тинејџерите и им даваат контрола на родителите“.„Од почетокот на оваа истрага, воведовме сметки за тинејџери кои автоматски ги штитат и им даваат контрола на родителите – дозволувајќи им да го блокираат пристапот до Инстаграм ноќе и да го ограничат дневното време поминато пред екран на само 15 минути“, рече Мета во соопштението. „Ја споделуваме посветеноста на Европската комисија да им обезбеди на тинејџерите безбедни, позитивни онлајн искуства и ќе продолжиме конструктивно да соработуваме со нив“, додаде таа.
Ова е втор пат оваа година Комисијата на ЕУ да открие дека „Мета“ ги прекршила своите правила; во април, соопшти дека компанијата не успеала да ги спречи лицата под 13 години да пристапат до нејзините платформи.
Европските претставници велат дека заштитата на физичкото и менталното здравје на граѓаните мора да биде приоритет за социјалните мрежи.
