Аналитика
Здружението за поддршка и грижа за лицата со попреченост СОС Вита доби донација од Халк банка, која се состои од електрични колички. Со ова, „ сакаме да придонесеме за поголема независност и полесно секојдневно функционирање на корисниците“, велат од Банката.
Дополнителна поддршка е обезбедена за ДУЦОР „Партенија Зографски“. Училиштето каде што учат ученици со посебни образовни потреби доби компјутери.
„Веруваме дека технологијата може да отвори нови можности, да помогне во учењето и да создаде еднакви шанси за секое дете. Своја улога во подобрувањето на образовните услови има и СОНК, кој доследно се залага за поквалитетно и подостапно образование. Заедно градиме поинклузивна и правична заедница“, велат од Халк банка, која донацииѕте ги реализираше во чест на Меѓународниот ден на лицата со попреченост.
