SUNCATCHER ЌЕ ЈА „ЖНЕЕ“ ЕНЕРГИЈАТА НА СОНЦЕТО: Гугл најави поставување сателити во вселената за напојување на дата-центри за вештачка интелигенција

Извршниот директор на Гугл, Сундар Пичаи го објави Проектот Suncatcher, истражувачки проект што ќе распореди сателити во вселената, опремени со прилагодените Tensor Processing Units на Google, кои веќе напојуваат многу од моделите на Google со вештачка интелигенција.

„Инспирирани од нашата историја на амбициозни проекти, од квантно пресметување до автономно возење“, напиша Пичар на X, „Проектот Suncatcher истражува како еден ден би можеле да изградиме скалабилни системи за машинско пресметување во вселената, искористувајќи повеќе од енергијата на Сонцето“.

Пичар додаде дека Сонцето емитува повеќе енергија, до 100 трилиони пати повеќе од вкупното производство на електрична енергија на човештвото и дека Google планира да лансира два прототипа сателити на почетокот на 2027 година, секој со TPU од генерацијата Trillium за да ги тестира нивните перформанси во ниската орбита на Земјата.

Иако TPU чиповите издржаа симулации на зрачење во акцелератор на честички, Google сè уште се соочува со пречки. Според истражувачкиот труд на Google, кој Пичаи го објави на социјалните мрежи, финалниот производ би вклучувал флоти од сателити на сончева енергија поврзани со оптички врски за размена на податоци, се вели во трудот. Пичаи во објавата на X рече дека термичкото управување и сигурноста се предизвик.

Доколку технолошкиот гигант успее да го реализира дизајнерскиот предизвик, неговиот истражувачки труд тврди дека вселенскиот компјутинг еден ден би можел да стане скалабилно решение, бидејќи би работело без да троши електрична енергија и вода на Земјата. Анализата на Google, исто така, открива дека до средината на 2030-тите, трошоците за лансирање ракети би можеле да паднат под 200 долари за килограм, што потенцијално го прави испраќањето центар за податоци во вселената поевтино од изградбата на еден на Земјата.

Google не е единствената компанија што ја спроведува оваа идеја. Елон Маск, кој е сопственик на SpaceX, рече на X на 31 октомври дека ракетната компанија би можела да изгради центри за податоци за вештачка интелигенција во вселената, додека стартапот наречен Starcloud го лансираше својот прв сателит опремен со графичкиот процесор на Nvidia претходно во ноември.

„Одлична идеја“, коментираше Маск на X под објавата на Проектот Suncatcher.

„Можно само поради огромниот напредок на SpaceX во технологијата за лансирање!“, одговори Пичаи.