Аналитика
Нова цена од 365 денари дава Тутускиот комбинат од Прилеп за килограм прва класа ароматичен тутун од ланската реколта. Акционерите на денес одржаното Собрание ја прифатија предлог-одлуката од Одборот на директорите, за зголемување од 35 денари по килограм.
Промената се однесува за сите производители кои веќе продале дел или можеби целото производство и добиле износи пресметани по првично утврдената цена од 330 денари за килограм. Ним ќе им биде доплатена разликата.
Како што е наведено, одлуката веднаш стапува во сила. Со овој потег, целта на прилепскиот Комбинат е да ги израмни откупните цени со конкуренцијата присутна на пазарот на ароматичен тутут од минатогодишната реколта.
