Аналитика
Силк Роуд Банка известува дека исплатата на пензијата за март ќе се врши од вторник, 28.3.2023 година.
Пензиите може да се подигнат со платежна картичка од кој било банкомат на банката, почнувајќи од 28.3.2023 година.
Пензионерите кои не користат American Express или Visa дебитна картичка и кои своите пензии ги подигнуваат на благајната во банката, почнувајќи од 28.3.2023 година, ќе може да ги подигнат согласно следниов распоред направен според висината на пензијата:
Вторник, 28.3.2023 година – исплата на пензии со висина до 11.000 денари;
Среда, 29.3.2023 година – исплата на пензии во висина од 11.001 до 14.000 денари;
Четврток, 30.3.2023 година – исплата на пензии во висина од 14.001 до 18.000 денари;
Петок, 31.3.2023 година – исплата на пензии во висина над 18.001 денари.
Со цел да се избегнат дополнителните гужви на благајните, ги замолуваме сите приматели на пензија да се придржуваат до веќе утврдениот распоред за исплата, потенцираат од банката.
