СИТЕ САКААТ ДА ЖИВЕАТ ТАМУ- Која е скопската општина со дури 40 проценти празни станови?!

Најголем број од празните станови во Скопје се наоѓаат на теритроија на Општина Центар дури 40 проценти или во бројка 10 865 станови. Најмалку пак, ненаселени станови има во Чаир, 22,5 отсто. Што се однесува во останатите градови, во Охрид половина од становите се празни, а во Дојран дури 68 проценти.

Според третиот сет на податоци од Пописот на населението 2021-ва, објавени од Државниот завод за статистика од 834 174 станови населени се 531 987(63,4%), додека ненаселени се 36,6 отсто или 307 187 станови. Просечната квадратура на населените станови е 103 метри квадратни, на ненаселените 90 метри квадратни.

На регионално ниво најмногу празни станови има во Југозападниот регион, а најмалку празни во Скопскиот.

Што се однесува, пак до заработката на градежните компании лани, порталот „Пари“ во соработка со БизнисМрежа.мк ги анализираше приходите и добивките на најголемите градежни компании во Македонија.

Првите 10 компании кои се на листата со најголеми приходи, заедно оствариле промет од 144,6 милиони евра. Во 2020 година пак, тие што беа на тогашната листа ТОП 10 компании по приход остварија вкупни приходи од 149 милиони евра. Интересен е и фактот што годинава, листата на најприходните компании е поинаква од ланската. Сега во првите 10 влегле „Саник инженеринг“- Скопје, „Крмзов –мр“- Струмица, „Џвахир групација“ – Турција, подружница РСМ и „Специјал“-Скопје, а излегле: „Афердита И“- Кичево, „Серка Тааххут Иншаат Ааноним Ширкети“ – Р.Турција – подружница во Гевгелија, „Офис ком“- Скопје и „Сим инженеринг“ – Струмица.

Сите овие компании, освен две – „АК Инвест“ од Тетово и „Карпош“од Скопје ги зголемиле своите приходи во текот на минатата година во однос на 2020 година. Инаку во 2020 година, токму АК Инвест беше градежната компанија со најголем приход во државава, а сега тоа место му припадна на „Жикол“ кој лани беше втор на листата. Но, најголемиот приход не обезбедил и најголема добивка за „Жикол“, па тој е дури на последното 10-то место меѓу ТОП 10 фирми со најголема добивка.

„ПАРИ“ ОТКРИВА: 10 градежни фирми со чист профит од над 20 милиони евра, кој доби, а кој изгуби лани!

Податоците покажуваат и дека 10-те најголемите компании по приходи не се истовремено и најголеми според добивката. Во групата 10 најголеми градежни компании по добивка не влегуваат: „Крмзов мр“. „Карпош“, „Џевахир“ и „Специјал градба“. Но, затоа, иако не се најголеми по приход, голема добивка, достојна за влез во првите 10 компании имаат. „Импексел 2“, „Адора“, „Биси“ и „Настел“. Првите 10 компании по добивка оствариле вкупна добивка од 20,3 милиони евра.