Според податоците кои ги објави Македонскта берза за периодот 01.04 – 30.04.2021 година вкупниот промет изнесувал 686.557.257 денари и е намален за 9,37 отсто во однос на месец март.
Класичното тргување изнесувало 530.254.240 денари и е зголемено во однос на март за 24,97 отсто кога изнесувало 424.295.968 денари. Во класичното тргување истргувани се акции во вредност од 509.908.506 денари и обврзници во вредност од 20.345.734 денари
Блок трансакциите во април изнесувале 156.303.017 денари и се намалени за 53,09 отсто во однос на март.
Бројот на трансакции во април изнесувал 1.681 и е зголемен за 14,67 отсто во однос на март кога изнесувал 1.466.
Aкциите на Реплек АД Скопје во месец април 2021 година се со промет од 115.559.659 денари или 1.875.489 евра и го заземаат првото место на најтргувани акции на официјалниот пазар за месец април. Потоа следат акциите на Гранит Скопје и и третото место го зазема Комерцијална банка АД Скопје.
Според количината на истргувани акции, апсолутен лидер е Гранит Скопје со 84.603 истргувани акции, каде просечна цена по акција изнесувала 1.106,78 денари.
Месечниот статистички билтен за април 2021 година можете да го погледнете тука.