И Македонија произведува кафе, но Италија е на врвот со – 616 илјади тони

Во 2020 година во ЕУ произведени се вкупно 1,9 милиони тони кафе, што е раст од 10 проценти споредено со 2010 година. Истовремено во нашата земја биле произведени 4,1 илјада тони кафе, покажуваат податоците на Евростат, објавени по повод Меѓународниот ден на кафето 1 Октомври.

Вкупната вредност на произведеното кафе во ЕУ изнесува 11 милијарди евра.

Според податоците на Евростат, во регионот најмногу кафе е произведено во Србија – 20,4 илјади тони кафе, потоа Грција – 14,6 илјади тони, Босна и Херцеговина – 11,6 илјади тони, Храватска – 10,7 илјади тони, потоа Северна Македонија – 4,1 илјада тони, Бугарија – 1,4 илјади тони и Црна Гора – 1,05 илјади тони кафе.

Најголем производител на пржено кафе во ЕУ е Италија со 616 илјада тони или 32 проценти од вкупното прозиводство на ниво на цела ЕУ, по што следат Германија со 571 илјади или 30 отсто, Франција 149 илјади или 8 проценти.

Вкупно 2,9 милиони тони кафе се увезени во 2020 година во ЕУ, што е раст од седум проценти споредено со 2010 година.

Најголем дел од кафето се увезува од Бразил – 32 проценти и Виетнам – 22 проценти, по што следат Хондурас – 7 проценти, Уганда – 6 проценти и Колумбија – 5 проценти.

Околу 38 проценти од целиот увоз на кафе е од Германија, по што следат Италија – 19 проценти, Белгија – 11 проценти, Шпанија – 9 проценти и Франција – 7 проценти.

Неодамна порталот Пари објави АНАЛИЗА: Горко кафе за компаниите од бизнисот со кафе. Четири од петте на врвот со пад на добивката

Легендата за откривањето на кафето како напиток не навраќа пред 3.000 години во Етиопија. Имено, локален овчар набљудувајќи го однесувањето на своето стадо после јадење на плодовите од одредено растение забележал дека овците не можат да спијат навечер и имаат многу повеќе енергија. Ова негово откритие го споделил со свештеникот во областа Кафа и се одлучиле да испробаат дали ќе делува и врз нив. Останатиот развој на кафето и неговото култивирано одгледување е историја, а сеуште тоа претставува основен напиток во текот на денот.

Енергијата која ја добиваме од кафето е од непроценливо значење, но да видиме со каква енергија работеле македонските преработувачи на кафе. Нашата анализа ќе се сконцентрира на најголемите 5 компании од оваа индустрија и со помош на податоците од БизнисМрежа.мк ќе се обидеме да дадеме слика за финансиските параметри од минатите 2 години.

Целата анализа [ т у к а ]