Словенија: 319 заразени со Корона вирусот. На 1 година се одложува плаќањето на кредите на компаниите

Бројот на потврдени позитивни случаи со вирусот Корона во Словенија до 14 часот е 319, што е за 33 повеќе во последните 24 часа.

Досега се тестирани вкупно 9.860 лица, што е за 1.130 повеќе од вчера, што значи дека бројот на лица што се тестираат дневно е нешто над 1.000.

Словенечката Влада подготви предлог закон кој предвидува одложување на плаќањето на кредитите за компаниите.

Како што јави дописникот на МИА од Љубљана, одложувањето е договорено во соработка за банките и ќе трае 12 месеци. Оваа уредба како една од повеќето кои се однесуваат на ублажување на поседиците од коронавирусот ќе можат да ја користат компаниите од сите сектори, а засега нема да важи за физичките лица, односно граѓаните.

Друга мерка која ја донесе Националниот комитет за труд при Собранието е уредбата која предвидува компаниите кои поради епидемијата со коронавирусот, нема да можат да обезбедат плата и работа за најмалку 30 отсто од вработени и ќе добијат пари за да не им се уништи бизнисот, а да можат да исплатат плата.

Обврската на работодавците е на вработените да им дадат 80 отсто од висината на просечната плата во последните три месеци, а државата ќе покрие 40 отсто од оваа сум, а работодавецот 60 отсто.

Оваа одлука важи за самовработените, кој во Словенија се многу.