ПОПУЛИЗАМ ВО ПОЛИТИКАТА – Државата стана супермаркет?

„Рамазанска кошничка, новогодишна акција, замрзнување на цени – дали ова се вистински економски мерки или само популизам? Поранешниот министер за економија Крешник Бектеши смета дека владата се занимава со маркетинг наместо со реални реформи. Во „Каде се парите? Со Горан Теменугов“ дознајте зошто овие акции не го решаваат проблемот и што навистина треба да се направи.

Премиерата е во четврток, во 12.00 часот. Следете нè за повеќе вакви теми!“

„Немаше да дозволиме да дојдеме во ваква позиција. Не па да излеземе со смешни мерки, рамазанска кошничка, новогодишна кошничка, како државата да е трговец и прави акции. Или пак произведуваме некој производ, државата е држава, државата носи одлуки. Сериозна држава не прави акции. Ја имам оваа чаша, ајде, луѓе, ова недела, оваа чаша од 10 денари, ќе ви ја продавам за 8 денари. Или да продава услуги државата, така му испадна со кошничките, со желботеките што ги имаат…. Не функционираат сериозни држави на таков си начин. Сериозни држави функционираат на начинот како што се донесе Законот за нефер трговски практики, прави напори што подобро да се имплементира…“