ЗА АКЦИОНЕРИТЕ НА „РЕПЛЕК“ ДИВИДЕНДА ОД 2.700 денари по акција

Акционерите на „Реплек“ ќе поделат дивиденда од 1,16 милиони евра за успешно завршената 2023 година. Во која зголемените извозни активности донеле за 43 проценти повисоки приходи. Раст има и кај добивката – изнесува речиси 2,6 милиони евра.

Дивидендата ќе се пресметува по бруто износ од 3.000, односно нето – 2.700 денари за акција. Тој предлог е доставен за разгледување на акционерското Собрание што треба да се одржи на 25 април. Предвидено е со исплата да се започне на трети јуни.

Според дивидендниот календар, последен датум за тргување со право на дивиденда за 2023 година е 15 мај.