S&P 500: 45 дена во опсег од 3%

Тимот на Генерали Инвестментс подготви резиме за актуелните настани кои влијаат врз пазарите на капитал.

Разликата меѓу минимумот и максимумот во последниот месец и половина е помала од 3%

Од крајот на март главните берзански индекси се движат во невообичаено тесен опсег. Во овој период, разликата помеѓу најниската и највисоката точка на индексот S&P 500 на крајот од трговскиот ден изнесува нешто помалку од 3%. Во време на зголемена нестабилност на пазарот, таквите потези често се случуваат во еден трговски ден. Отсуството на големи движења и јасен тренд не значи дека ништо не се случува на пазарите. Напротив, изминатата недела понуди интересни вести и економски податоци.

Каматните стапки во САД веќе се повисоки од инфлацијата

Инфлацијата во САД продолжува да опаѓа. Во април, цените мерени со индексот на CPI се зголемија за 4,9% на годишна основа, што значи десетти последователен пад на инфлацијата во САД и најниско мерење од април 2021 година. Базичната инфлација останува прилично тврдоглава, но исто така се намали на 5,5% во април. Уште поочигледен пад на инфлацијата покажуваат податоците за т.н „супер базична“ инфлација, која не само што е лишена од влијанието на цените на енергијата, храната, пијалоците и тутунот, туку и од станбената компонента. Бидејќи промените во кириите и цените на имотот се рефлектираат во CPI со задоцнување, супер-базичната инфлација дава ажурирана слика и затоа стана главен репер во одлуките на Федералните резерви на САД во последните месеци. Се поверојатни се прогнозите дека ФЕД ќе ја прекине серијата на покачувања на каматите веќе на следната седница, која ќе се одржи во јули. Историски гледано, ФЕД никогаш не го завршил циклусот на затегнување на монетарната политика пред клучните каматни стапки да го надминат нивото на инфлација. Со мерењето на индексот на цените на CPI во април (4,9%) и состанокот во мај, кога ФЕД ја зголеми основната каматна стапка на ниво помеѓу 5, 0% и 5,25% ова непишано правило сега е постигнато. Но, барем додека инфлацијата не падне кон целта од 2%, или додека проблемите на американските регионални банки не се префрлат на пошироката економија, сè уште не се очекува пресврт и намалување на каматните стапки во САД.

Бајден повторно на средба со конгресните лидери

Инвеститорите беа понезадоволни од напредокот на преговорите за зголемување на лимитот на јавниот долг во САД отколку од податоците за инфлацијата. Минатата недела Бајден планираше двапати да се сретне со претставници на американскиот Конгрес за оваа тема. Републиканците зголемувањето на лимитот го условуваат со значително намалување на буџетските трошоци, од друга страна, демократите инсистираат прво да се зголеми дозволената граница на долгот и да се погрижат САД да не паднат во технички банкрот. Слична рамнотежа на моќ меѓу републиканците и демократите стана речиси константна секогаш кога САД се приближуваат до границата, која во просек се зголемува повеќе од еднаш годишно од 1960 година. Од нив, 49 пати за време на претседателството на републиканците, а 29 пати за време на претседателството на демократите. Иако американската влада, во која демократите имаат мнозинство во Сенатот и републиканците во Претставничкиот дом, во моментов е многу поделена, порано или подоцна и овој пат ќе се постигне компромис. Меѓутоа, проблемот со високиот јавен долг во САД ќе го достигне следниот плафон, а новото зголемување на долгот се провлекува под тепих.

Втор круг од претседателските избори во Турција

Претседателските избори во Турција, каде што се чини дека Ердоган ќе бара победа во вториот круг, беа под лупа на пазарите во развој. Резултатите од изборите не се важни само за Турција, која се соочува со тешка економска ситуација поради високата инфлација и последиците од разорниот земјотрес, туку и од гледна точка на прашањето на која страна ќе се приклонува повеќе земјата на спојот помеѓу Истокот и Западот, во време на значајни промени во геополитичките односи.

Кинеските акции продолжуваат да разочаруваат, иако финансиските акции таму поминаа многу подобро од остатокот од светот во последните неколку недели, додека инвеститорите продолжуваат да ги избегнуваат технолошките акции. Повторното отворање и закрепнување на економијата по коронавирусот се покажа како фатаморгана, бидејќи освен мало закрепнување на услугите, сè оди бавно и не покажува слични тенденции како што видовме на други места во САД и Европа. Како резултат на тоа, инфлацијата е речиси непостоечка и цените на производителите се движат на дефлациска територија, така што е само прашање на време кога и потрошувачката инфлација ќе стане дефлација. Затоа, можеме да очекуваме дека тоа ќе има инхибиторно дејство и врз европската и американската инфлација.

Нема потреси ниту на енергетските пазари

Слично како и на пазарите на акции и обврзници, во последниот период стивнаа и настаните на енергетските пазари. Цената на европскиот природен гас падна за нешто повеќе од 35 евра за мегават час, што е најниско од јули 2021 година. За споредба, минатата година во екот на енергетската криза, берзанската цена на природниот гас накратко надмина 300 евра за мегават час. Очекувајќи успорување на глобалната економска активност, цените на нафтата се движат блиску до нивните најниски нивоа од почетокот на војната во Украина, при што барел сурова нафта од 159 литри WTI чини околу 70 долари. Доларот малку зајакна минатата недела и повторно падна под 1,09 долари за евро, но и овде движењето е мало, конзистентно со остатокот од пазарот.

СОВЕТИ ЗА ИНВЕСТИТОРИТЕ

ЕЦБ веројатно уште малку ќе ја заостри монетарната политика, додека ФЕД се чини дека го достигна посакуваното ниво, барем привремено. Влијанието на повисоките каматни стапки  почнува да се чувствува во економијата. Инфлацијата покажува знаци на оладување, но проблемот останува упорно високата базична инфлација, главно поради наемнините. Пазарот на труд е силен и економијата останува на територијата на раст и покрај турбуленциите. Инвеститорите и понатаму очекуваат пресврт во каматната политика, но таа останува крајно непредвидлива. Оптимистичкото сценарио за пониски каматни стапки претставува значителен ризик за пазарите. Деловните прогнози остануваат оптимистички, но сценариото за заладување на економскиот раст и со тоа и пад на профитот не се зема предвид при вреднувањето на берзите. Со оглед на сите предизвици и очекувани промени, глобалните акции остануваат релативно скапи и главно поради тоа остануваме малку повнимателни со инвестициите во акции. Инвестициите во обврзници добиваат на сила во такво опкружување. Неопходно е да се задржи долгорочен пристап со периодично зголемување на инвестициите, што докажа дека во услови на поголема нестабилност и привремена неизвесност нуди добар одговор на инвестициските можности и дава најдобар резултат. Диверзификацијата на портфолиото останува клучен двигател за одржување и зајакнување на заштедите. Комбинација од акциски фондови како што се Генерали Топ Брендови, Генерали Америка и паричниот фонд Генерали Кеш Депозит, ги нуди најдобрите решенија за сложениот коктел на актуелната политичка ситуација и економското опкружување. Тоа исто така носи одредени можности. Американските акции во моментов се безбеден остров во бурното море поради зголемениот удел во технолошки акции и помалиот удел во финансискиот сектор, но повиците за (пре)скапи технолошки акции стануваат се погласни. Но, од друга страна, имаме нова приказна за вештачката интелигенција. Обврзниците ја имаа најлошата година (2022) во последните 50 години. 2023 година ќе биде многу подобра година за обврзниците. Циклусот на зголемување на каматните стапки се ближи кон крајот, инфлацијата забавува, а и двете ја зголемуваат атрактивноста на инвестициите во обврзници. За трпеливите инвеститори ова се моментите за почнување на градење на позиции како на берзата, така и на пазарот на обврзници.