ПРОГНОЗА НА БИЛ ГЕЈТС: ChatGPT „ќе го промени нашиот свет“

Ко-основачот на Мајкрософт, Бил Гејтс, верува дека ChatGPT, чет-бот кој дава неверојатни човечки одговори на прашањата на корисниците, е исто толку значаен како и пронајдокот на интернетот, изјави тој за германскиот деловен дневен весник Handelsblatt во интервју објавено во петокот.

„Досега вештачката интелигенција можеше да чита и пишува, но не можеше да ја разбере содржината. Новите програми како ChatGPT ќе направат многу канцелариски работни места поефикасни со тоа што ќе помогнат да се пишуваат фактури или писма. Ова ќе го промени нашиот свет“, рече тој во коментарите објавени на германски јазик.

ChatGPT, развиен од американската фирма OpenAI и поддржан од Microsoft Corp, е оценет како најбрзо растечка апликација за потрошувачи во историјата.