Аналитика
Москва размислува за еднократен дополнителен данок на дополнителни приходи за големите корпорации (windfall tax,н.з.) како мерка за запирање на опасно намалените приходи од нафта и гас што ја остави земјата со дефицит од 25 милијарди долари. Според руската државна новинска агенција РИА Новости, Москва разговара за „доброволен“, еднократен придонес од големите бизниси.
Веста на руски јазик The Bell цитира неименувани извори запознаени со дискусиите велејќи дека досега се поднесени предлог и контрапредлог. Првиот предлог доаѓа од рускиот премиер Михаил Мишустин, повикувајќи ги членовите на Руската унија на индустријалци и претприемачи (РСПП) да уплатат еднократна сума од 2,8 милијарди долари во владината каса. Во контрапредлогот од РСПП се бара зголемување од 0,5% на постоечкиот данок на доход од 20% на компаниите.
Министерството за финансии вели дека не размислува за зголемување на даноците на доход. „Ова не е зголемување на даноците. Тоа е данок на екстра приходи, концепт во даночната практика познат како еднократно собирање даноци“, рече вицепремиерот Андреј Белоусов, цитиран од зборовите, нагласувајќи дека придонесот ќе биде доброволен.
Приходите на рускиот буџет од нафта и гас се намалија во јануари за 46 отсто во споредба со истиот месец минатата година поради санкциите за извозот на руската нафта, што доведе до пад на цената на водечката руска сурова нафта.
Во јануари 2023 година, цената на водечката руска класа „Урал“ беше во просек 42% пониска отколку во истиот месец од 2022 година, бидејќи нејзиниот попуст на „Brent Crude“ се зголеми по ембаргото на ЕУ и ограничувањето на цената на Г7, кое стапи на сила на 5 декември. Просечната цена на Урал во јануари, од 49,48 долари за барел, беше 1,7 пати пониска отколку во јануари 2022 година, кога во просек изнесуваше 85,64 долари за барел, соопшти руското Министерство за финансии претходно оваа недела.
