Морган Стенли ќе префрли 100 милијарди евра од Лондон во Франкфурт поради Брегзит

Една од најголемите финансиски институции во светот, Морган Стенли, со седиште во Европа во Лондон, планира да префрли околу 100 милијарди евра средства од Лондон во Франкфурт, што ја прави втора по големина банка што го преместува бизнисот од Велика Британија.

Морган Стенли очекува да пренесе најголемиот дел од средствата во првиот квартал од следната година, кога најверојатно ќе истече преодниот рок за излез на Велика Британија од Европската унија, изјавија за Блумберг извори запознаени со трансферот. Морган Стенли одби да коментира.

Со оглед на плановите на Морган Стенли, треба да се очекува дека голем број други банки ќе го следат примерот на оваа банка.

Потегот на Морган Стенли е во согласност со напорите на неколку други американски банки, како што се JPMorgan Chase & Co. и Голдман Сакс Груп АД, да го зајакнат својот бизнис во ЕУ среде Брегзит.

Морган Стенли веќе премести голем број вработени од Лондон на различни локации низ ЕУ, вклучувајќи ги Мадрид и Милано.